Գերմանական AC Schnitzer թյունինգային ատելյեն ներկայացրել է BMW Z4 ռոդսթերի ուժեղացման ծրագիրը: Ավտոմեքենայի վրա տեղադրվող ստանդարտ երեք լիտրանոց տուրբոյացված շարժիչն ուժեղացվել է եւ արդյունքում սկսել է զարգացնել 60 ձիաուժով ավելի հզորություն` 360 ձիաուժ: Զրոյից մինչեւ 100 կմ արագություն զարգացնելու համար BMW Z4-ին կպահանջվի 4,9 վայրկյան, իսկ առավելագույն արագությունը կազմում է 286 կմ/ժ: Բացի դրանից, ռոդսթերը ստացել է արդիականացված կախոց եւ սպորտային արտանետային համակարգ: AC Schnitzer-ի BMW Z4-ը մատչելի է 18-, 19- եւ 20-դյույմանի անիվային դիսկերով:
Like
OK
