Land Rover ընկերությունը հաստատել է ամենափոքր Range Rover-ի արտադրությունը

Սեպտեմբերի 24-ին Land Rover ընկերությունը պաշտոնապես հաստատել է նոր կոմպակտ քրոսովերի սերիական արտադրություն սկսելու իր ծրագրերը, որը կստեղծվի LRX կոնցեպտուալ ավտոմեքենայի ոճով եւ կվաճառվի Range Rover մակնիշի ներքո: Ինչպես ասվում է բրիտանական ավտոարտադրողի մամլո հաղորդագրությունում, ապրանքային ավտոմեքենայի պրեմիերան կկայանա հաջորդ տարի, իսկ նրա վաճառքները կսկսվեն 2011-ին:

Նորույթի վերաբերյալ մանրամասները դեռեւս չեն հաղորդվուշմ, սակայն, ինչպես մինչ այդ հայտնել է Land Rover-ի ղեկավար Ֆիլ Պոֆեմը, արտաքինից կոմպակտ քրոսովերը, բացառությամբ դռների քանակությանը (սերիական ավտոմեքենան 5-դռնանի կլինի), գործնականում ամբողջովին կրկնելու է 3-դռնանի նախատիպը: Range Rover LRX-ի համար, որը նախատեսվում է կառուցել Freelander մոդելի հիման վրա, կառաջարկվեն էկոլոգիպապես մաքուր շարժիչներ, որոնց CO2 արտանետման ծավալները կկազմեն 150 գրամ 1 կիլոմետրի համար: Սպասվում է նաեւ այս ավտոմեքենայի հիբրիդային տարբերակի արտադրությունը:

Նշենք, որ Land Rover ընկերությունն արդեն սկսել է նոր քրոսովերի փորձարկումները Նյուրբուրգրինգում: Որոշ տվյալներով, տեստային նախատիպն ունի 2-լիտրանոց բենզինային շարժիչ:

LRX մոդելի մշակման համար բրիտանական կառավարությունը հատկացրել է 27 մլն ֆունտ ստերլինգ: Այս միջոցների ստանալու պայմաններից մեկն էր ավտոմեքենայի արտադրության կազմակերպումը ընկերության Հեյլվուդի գործանարնում (Մեծ Բրիտանիա):

Facebook Odnoklassniki

2719 դիտում