Like
OK
Կայացավ Renault Arkana մոդելի պաշտոնական շնորհանդեսը
Դիլերներ
“Մեգնան” եւ “Մուրանը” բացեցին նորացված տեխսպասարկման կենտրոնը
Սեպտեմբերի 26-ին տեղի ունեցավ “Մեգնա” եւ “Մուրան” ընկերությունների Renault եւ Nissan մակնիշի ավտոմեքենաների տեխսպասարկման նորացված կենտրոնի բացումը:
Արարողության ընթացքում ներկայացվեցին նորաբաց կենտրոնի տեխնիկական հզորությունները: Միջոցառումը վարող Մարկ Սաղաթելյանը հաճելի ժամանց մաղթեց հյուրերին. “Ընկերությունը վստահեցնում է, որ այսուհետ ավտոմեքենայի խնդիրները լուծելու համար գոյություն ունի տեխսպասարկման գերժամանակակից կենտրոն: Ձեր մեքենան պրոբլեմ չունի”:
Տեխսպասարկման կենտրոնը բացվեց ոչ թե կարմիր ժապավենը կտրելով, այլ ավտոմեքենաներին վայել հեռակառավարման վահանակով: Կոճակը սեղմեց Էկոնոմիկայի նախարար Ներսես Երիցյանը: “Ողջունելի է, որ տնտեսական եւ ֆինանսական ճգնաժամի պայմաններում ընկերությունը շարունակում է ներդրումներ իրականացնել: Բարձրակարգ սպասարկումը մեծ անհրաժեշտություն է մեր տնտեսության համար, մեզ մոտ հետ է մնում այդ ոլորտը: “Մեգնա” եւ “Մուրան” ընկերությունները Հայաստան են ներմուծել միջազգային լավագույն չափանիշները եւ սպասարկման մշակույթը”,- ասաց Ներսես Երիցյանը:
“Սպասարկման կենտրոնները նորություն չեն, բայց այսպիսի ծավալի եւ հագեցվածության կայան, որ համապատասխանում է Renault-ի եւ Nissan-ի պահանջներին իր արտաքինով, ներքին հարդարմամբ, նոր է: Կենտրոնում 5 բաժին կա. մեր հաճախորդներին առաջարկելու ենք “ա-ից ֆ” սպասարկման փաթեթ: Առաջին բաժնում ավտոմեքենան անցնում է ախտորոշում, կազմվում է համապատասխան փաստաթուղթ, կատարվում է վերլուծություն եւ խնդիրները վերացվում են: Կադրերի ուսուցման կենտրոն էլ ունենք, ուր վերապատրաստվելու են աշխատակիցները: Եթե հաճախորդները վստահում են, ուրեմն հասել ենք մեր նպատակին` որակ”,- ասաց “Մեգնա” և “Մուրան” ընկերությունների Renault և Nissan ավտոմեքենաների հետվաճառքային սպասարկման վարչության պետ Հարություն Այվազյանը:
2012-ին` կատարյալ որակ եւ ոչ մի արտանետում
Nissan ռեգիոնալ գրասենյակի հետվաճառքային սպասարկման գծով տնօրեն Նորիհիդե Տոմիտան էլ ասաց, որ կենտրոնի բացումը դրսեւորում է “Մուրան” ընկերության պատասխանատվությունը բարելավելու հետվաճառքային ոլորտը Հայաստանում:
“2012-ին ձգտելու ենք հասնել որակի կատարելության եւ արտանետման զրոյական մակարդակի : Դրա համար վաճառքի, սպասարկման եւ անձնակազմի կառավարման ոլորտներին ենք ուշադրություն դարձնում”,- ասաց Նորիհիդե Տոմիտան:
Տեխսպասարկման կենտրոնի բացման մասին ողջ նյութը եւ լուսանկարները տեղադրված են Bravo.am կայքում
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
