Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ոչ այդքան վաղուց Toyota ընկերության նախագահ Ակիո Տոյոդան խոստացավ աշխատանք սկսել սպորտային ավտոմեքենաների մշակման եւ դրանք մոդելային շարքում ներդնելու ուղղությամբ, եւ առաջին արդյունքներն արդեն հասանելի են հասարակությանը: Իր պաշտոնը ստանձնելու կապակցությամբ հրավիրված մամլո ասուլիսին Տոյոդան նշել էր, որ ընկերությանն անհրաժեշտ են թարմ ուժեր, որպեսզի ներգրավեն երիտասարդ մարդկանց, որոնք գերադասում են ագրեսիվ, բայց միեւնույն ժամանակ ոչ թանկ ավտոմեքենաներ: Տվյալ դեքպում դասական օրինակ է Toyota Celica-ն: Այնպես որ, ճապոնացիները ստիպված չեղան ոգեշնչում փնտրել արտասահմանում, չէ որ իրենք ունեն նման գաղափարի իրագործման սեփական հաջող փորձը:
Դեռեւս նախագիծը կրում է FT-86 Concept աշխատանքային անվանումը: Հստակ զգացվում է ակնարկը 80-ական թթ AE86 սպորտային կուպեի վրա, որը կլառուցվել էր Toyota Corolla-ի բազայի վրա: Տվյալ դեպքում, ըստ ընկերության ղեկավարության, ունիֆիկացումը տեղին չի լինի, այդ պատճառով որոշում էր ընդունվել առանձին պլատֆորմի օգտագործման մասին: Դրա մշակումն ընկած է Toyota ընկերության վրա, իսկ հարեւանները Subaru-ից, իսկ ավելի ճիշտ` Fuji Heavy Industries Inc.-ից, մասնակցել են նախագծին, տրամադրելով Gumma գործարանի արտադրական հզորությունները եւ օպպոզիտային շարժիչը: Ինչ վերաբերվում է դիզայնին, ապա այն իրագործում է Toyota ED2 դիզայն ստուդիան, որը գտնվում է Ֆրանսիայի հարավում:
Դեռեւս ապագա բյուջետային սպորտքարի արտաքին տեսքը բավականին գրավիչ է: Դժվար թե սերիական մոդելում որեւէ բան փոխվի: Նորույթը կունենա 2-լիտրանոց հորիզոնական տեղադրված օպպոզիատյին Subaru շարժիչ, որի հզորությունը կազմում է 150 ձիաուժ: Սակայն նորույթի մեկնարկի ժամանակ ամենայն հավանականությամբ նոր սերունդ կհայտնվի, որի հզորությունը եւ տնտեսելիությունը կարող են փոխվել:
Նույնիսկ գույնը, որով ներկել են կոնցեպտը, հատուկ մտածված է նրա համար: Չնայած ճապոնացիների հայտարարություններն այդ կապակցությամբ փոքր-ինչ զգուշավորեցնում են: Ընկերության գլխավոր ինժեներ Տեցույա Տադան ասել է. “Բոլոր սպորտային ավտոմեքենաները պետք է կարմիր լինեն, սակայն մենք ուզում էինք նոր կարմիր հորինել: Այդ պատճառով էլ հայտնվեց shoujyouhi red գույնը` ճապոնական կապիկի ավանդական կարմիր գույնը”: Քանի որ Ճապոնիայում կա կապիկների ընդամենը մեկ տեսակ` նիխոն-ձարու, ապա ցանկացողը կարող է համոզվել, թե ինչն է ոգեշնչել դիզայներներին:
FT-86 կոնցեպտը պետք է հասարակությանը ներկայացվի այս տարվա հոկտեմբերին Տոկիոյի ավտոսրահում: Ակնկալվում է, որ աշխարհը կտեսնի նաեւ այդ մոդելի այլ տարբերակը, որը պատրաստում է Subaru ընկերությունը, սակայն դա ավելի ուշ տեղի կունենա: Սերիական տարբերակների պատրաստան վրա ընկերությունները նախատեսում են ծախսել մոտ 2 տարի, այնպես որ 2011 թ. վերջին երկու մոդելները պետք է հայտնվեն վաճառքում:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
