GM կոնցերնը վաճառել է Hummer մակնիշը չինացիներին

General Motors կոնցերնը համաձայնագիր է ստորագրել Hummer մակնիշի  բաժնետոմսերի 80տոկոսը չինական Sichuan Tengzhong Heavy Industrial Machinery Co ընկերությանը վաճառելու մասին: Մնացած 20 տոկոսը կփոխանցվեն մասնավոր ներդրող Սոլան Դոցզիին: Այս մասին հաղորդում է AP-ը:

Գործարքի գումարը չի նշվում: Bloomberg-ի տվյալներով, Hummer ընկերությունը վաճառվել է 150 մլն ԱՄՆ դոլարով: Բացի մակնիշի նկատմամբ իրավունքներից, Tengzhong-ի սեփականությանն է անցել նաեւ Hummer-ի դիլերական ցանցը:

Նոր սեփականատերերը նախատեսում են ավելի քան 2 մլրդ ծախսել Hummer-ը ճգնաժամից հանելու եւ նոր մոդելներ մշակելու վրա: Բացի այդ, Tengzhong-ը մտադիր չէ փակել գործարանները Հյուսիսային Ամերիկայում, սակայն նախատեսում է “Համմերների” արտադրություն սկսել նաեւ Չինաստանում:

Մինչ այդ նաեւ հաղորդվում էր, որ սեփականատիրոջ փոխվելուց հետո Hummer-ի գլխավոր գրասենյակը կտեղափխվի Միչիգան:

Facebook Odnoklassniki

1663 դիտում