Mercedes-Benz R-Class-ը կնորացվի հաջորդ տարի

Mercedes-Benz R-Class մեծ չափերի մինիվեն-քրոսովերը հաջորդ տարի կենթարկվի ռեսթայլինգի: Ինչպես հաղորդում է Worldcarfans.com-ը, նորույթը կստանա նոր լուսարձակներ եւ ետեւի լապտերներ, ինչպես նաեւ մոդերնիզացված բամպերներ: Ենթադրվում է, որ նորացումից հետո R-Class-ն ավելի կնմանվի Mercedes-Benz-ի ժամանակակից մոդելներին:

Բացի այդ, R-Class-ի գնորդներին կառաջարկվեն սրահի հարդարման եւ կոմպլեկտավորման նոր տարբերակներ, ինչպես նաեւ արդիականացված ուժային համակարգեր:

Ինչպես սպասվում է, նորացված Mercedes-Benz R-Class-ի մեկնարկը կկայանա հաջորդ տարվա սկզբին Դեթրոյթում: Վաճառքում նորույթը կհայտնվի ամռանը:

Հիշեցնենք, որ R-Class-ն արտադրվում է 2005 թվականից: Այդ ավտոմեքենան կառուցված է Mercedes-Benz ML ամենագնացի պլատֆորմի վրա: Այն համալրվում է միայն վեց- եւ ութ մխոցանի շարժիչներով (ինչպես բենզինային, այնպես էլ դիզելային): 2007 թվականից R-Class-ն արտադրվում է ոչ միայն լիաքարշակ, այլեւ ետեւի քարշակ տարբերակներով:

Facebook Odnoklassniki

1963 դիտում