Volkswagen-ը կթողարկի լեգենդար Beetle-ի նոր սերունդը

Երբ 1998 թվականին գերմանական Volkswagen ավտոկոնցերնը ներկայացրեց իր լեգենդար “բզեզի”` New Beetle-ի նոր սերունդը, ավտոմեքենան իսկական ֆուրոր առաջացրեց. միայն վաճառքների առաջին տարվա ընթացքում դրանք հասան 83 434 օրինակի: Սակայն այժմ ավտոմեքենայի վաճառքները գրեթե ամենուր դադարեցվել են, ինչպես նաեւ դրա արտադրությունը:

Այժմ արտասահմանյան ԶԼՄ-ները վկայակոչելով Volkswagen-ի ամերիկյան ստորաբաժանման ղեկավար Ստեֆան Յակոբիին հաղորդում են, որ մակնիշը նախատեսում է Beetle-ի հաջորդ սերունդը թողարկել 2012 թվականին: Նոր “բզեզը” կունենա ավելի մեծ ետեւի նստատեղ եւ ավելի տարողունակ բեռնախցիկ: Ընդ որում, Յակոբիի պնդմամբ, ավտոմեքենայի գաբարիտները նույնը կմնան: Նա նաեւ հայտնել է, որ Beetle-ը կշարունակի մնալ մատչելի “ժողովրդական” ավտոմեքենա:

Facebook Odnoklassniki

2138 դիտում