Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Kia-ն շարունակում է թարմացնել եւ լրացնել իր մոդելային շարքը` արհամարհելով ճգնաժամը: Իրար ետեւից ավտոընկերությունը նորացրեց Kia Cee’d-ը, Soul քրոսովերը, Cerato սեդանը, հայտնվեց Sorento-ի նոր սերունդը: Եվ ահա Հայաստանում Kia Motors-ի պաշտոնական ներկայացուցիչ Kia Motors Armenia-ն հայտարարեց, որ սկսում է կորեական ընկերության առաջին կուպեի` 3-դռնանի Kia Cerato Koup-ի վաճառքները:
Կորեական մակնիշի առաջին կուպեն արտադրվում է 2009 թվականից: Ավտոմեքենայի կոնցեպտուալ տարբերակը ցուցադրվել էր 2008 թվականին Նյու-Յորքի միջազգային ավտոսրահում, իսկ ստեղծվել է այն Kia Motors-ի Կալիֆոռնիայի դիզայն-կենտրոնում: Ինչպես բացատրում են Kia Motors-ում, Cerato Koup-ը կոչված է ընդգծելու եւ ամրապնդելու Kia-ի երիտասարդ եւ սպորտային բրենդի ընկալումը, ինչպես նաեւ ավելացնելու Cerato մոդելի վաճառքների ընդհանուր ծավալները:
Kia Cerato Koup-ի մոտ կարեւորն իհարկե ոճային արտաքինն է. վառ գույներ, ագրեսիվ դիմային մաս, հետաքրքիր ուրվագիծ, 17 դյույմանի անիվներ… Այս ամենը մատնանշում է, որ ավտոմեքենան ավելի շատ համապատասխանում է գեղեցիկ եւ բյուջետային ոճային երիտասարդական ավտոմեքենայի դերին: Դիմացից ավտոմեքենան նմանեցնում է Cerato-ի սեդանին. Եւ այդ ֆիրմային ոճը ընկերության դիզայները փոխանցում են նաեւ բոլոր նոր մոդելների վրա: Հետաքրքիր լուծումներ են նաեւ գտնվել ինտերյերի համար. կաշեպատ, պրոֆիլացված նստատեղեր, կարմիր կարվածքներ դռների եւ կառավարման վահանակի վրա: Շարժիչի գործարկման կոճակը, սարքերի կարմիր սանդղակները եւ ինտերյերի դետալների վրայի մետաղե տարրերն էլ ավելի են ընդգծում ավտոմեքենայի սպորտային ոճը:
Ավտոմեքենան արտադրվում է երեք կոմպլեկտացիաներով` LX եւ EX, եւ թոփային տարբերակով` CX: C-դասի սեդանի կուպեի պլատֆորմի հետ միասին, կուպեն ստացել է բավականին մեծ բազա (2,65մ), որը թույլ է տվել բավականին մեծ դարձնել սրահը նման տիպի թափքի համար: Մասնագետներն աշխատել են նաեւ ավտոմեքենայի ձայնա- եւ վիբրոմեկուսացման վրա: Ավտոմեքենան կունենա նույն ուժային ագրեգատները, ինչ Cerato-ն. Բենզինային 1,6 լիտր, որը զարգացնելու է 124 ձիաուժ արագություն եւ 2 լիտրանոց շարժիչ` 156 ձիաուժ հզորությամբ ավոտմատ կամ մեխանիկական փոխանցման տուփով: 2 լիտրանոց շարժիչով ավտոմեքենան մինչեւ 100 կմ արագություն է զարգացնում 10,5 վայրկյանում, իսկ առավելագույն արագությունը կազմում է 190 կմ/ժ:
Kia Cerato Coup-ը հիմնականում նախատեսված է հյուսիսամերիկյան եւ ասիական շուկաների համար: Ավտոմեքենայի հիմնական մրցակիցներն են Honda Civic Coupe, Scion tC եւ Hyundai Tiburon: Koup-ը նաեւ կարող է հաջողությամբ մրցակցել 3-դռնանին Opel Astra-ի եւ Citroen4-ի հետ:
Kia Motors Armenia-ում առայժմ գտնվում են 2 Cerato Koup-եր, որոնք, սակայն արդեն ունեն իրենց գնորդներին: Ավտոմեքենայի կանոնավոր ներմուծումները Հայաստան կսկսվեն 2010 թվականի հունվարից, իսկ գինը “թոփ” կոմպլեկտավորման համար կկազմի 9 150 000 դրամ: Ի դեպ, նշենք, որ Հայաստանն առաջին հարավկովկասյան երկիրն է, ուր մուտք է գործել Kia Cerato Koup-ը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
