Mitsubishi Motors ընկերությունը պաշտոնապես ներկայացրել է նորացված Outlander քրոսովերն ԱՄՆ-ում: Այս ատոմեքենան ստացել է թափքի դիմային մասի նոր դիզայն` մշակված Lancer X սեդանի ոճով, ինչպես նաեւ սարքերի նոր համադրում եւ առաջադեմ նավիգացիոն համակարգ` կոշտ սկավառակով:
Դատելով Mitsubishi Motors-ի ամերիկյան կայքում տեղադրված տեղեկատվությունից, նորացված քրոսովերը կունենա լիաքարշակ S-AWC տրանսմիսիա (Super All Wheel Control) Lancer Evolution-ից, իսկ թոփային շարժիչը` 3-լիտրանոց բենզինային “վեցնյակը”, այժմ զարգացնում է 230 ձիաուժ` նախկինի 220-ի փոխարեն:: Ընդ որում, ավտոմատ տրանսմիսիան, որը տեղադրվում է այս շարժիչի հետ, ունի Idle Neutral Logic գործառույթ, որը ավտոմեքենայի կանգառի ժամանակ ավտոմատ կերպով միացնում է “նեյտրոլ”` վառելիքի տմտեսման համար:
Այլ շուկաներում Outlander-ը մատչելի կլինի նաեւ 2,4-լիտրանոց “չորսնյակով”` 170 ձիաուժ հզորությամբ, ինչպես նաեւ SST նախասելեկտիվ “ռոբոտով”:
Եվրոպայում եւ Ռուսաստանում Mitsubishi Outlander-ի հայտնվելու ժամկետները դեռեւս հայտնի չեն:
Like
OK
