Audi A7-ի սերիական տարբերակը պատրաստ է պրեմիերային

Լուսանկարիչներին հաջողվել է լուսանկարել արդեն սերիական արտադրությանը պատրաստ Audi A7 ավտոմեքենան, որը տեղ կզբաղեցնի Audi A6 եւ Audi A8 միջեւ: Նորույթի մեկնարկը կկայանա ասիական շոուներից մեկի ժամանակ տարեվերջին, կամ նոր տարվա սկզբին Դեթրոյտում, որտեղ եւ անցել է կոնցեպտուալ նախատիպի պրեմիերան:

Նոր մոդելի տեխնիկական հագեցվածության մասին դեռեւս տեղեկություններ չկան: Որոշ տվյալներով, Audi A7 կառուցվելու է Audi A6-ի մոդերնիզացված պլատֆորմի վրա եւ կստանա լիաքարշակ Quattro ֆիրմային համակարգը: A7-ի համար նախատեսված են ամենահզոր շարժիչները. դա 3-լիտրանոց բենզինային V6 շարժիչն է որպես բազային, եւ 8-մխոցանի բենզինային եւ դիզելային շարժիչներ: Բացառված չէ, որ թոփային մոդիֆիկացիան կստանա նոր V8 շարժիչ` երկու տուրբիններով: Նույնպիսի շարժիչն կունենա նաեւ մի քանի օր անց մեկնարկող Audi A8:

Արտաքինից Audi A7 նման կլինի վերջերս ցուցադրված Audi A5 Sportback-ին: Audi A7-ի գլխավոր մրցակիցները կլինեն Mercedes-Benz CLS եւ BMW 5-Series GT ավտոմեքենաները: Նորույթը, ամենայն հավանականությամբ, չի մրցակցի Aston Martin Rapide-ի հետ. դրա համար Volkswagen-ն ունի Porsche Panamera:

Facebook Odnoklassniki

2321 դիտում