Brabus-ը ներկայացրել է 750-ուժանոց Mercedes-Benz SL ռոդսթերը

Էսսենի թյունինգ-շոուին Brabus ատելյեն ներկայացրել է աշխարհի ամենաարագ ռոդսթերներից մեկը` SV12 R Roadster-ը, որը կառուցվել է Mercedes-Benz SL մոդելի բազայի վրա: Նորույթն ունի 12-մխոցանի շարժիչ (նրա աշխատանքային ծավալն ավելացել է 5,5 լիտրից մինչեւ 6,3 լիտր)` երկու տուրբիններով, ուժեղացված մինչեւ 750 ձիաուժ: Այս շարժիչի առավելագույն պտտեցնող պահը գերազանցում է 1300 Նմ:

Զրոյից մինչեւ 100 կմժ արագությունն այդ ռոադսթերը զարգացնում է 4 վայրկյանից ավելի քիչ ժամանակում, իսկ մինչեւ 200 կմժ` 10,5 վայրկյանում, իսկ նրա առավելագույն արագությունը սահմանված է 350 կմժ: Համեմատության համար, գործարանային Mercedes-Benz SL 65 AMG Black Series 670-ուժանոց շարժիչով, մինչեւ 100 կմժ արագություն է զարգացնում է 3,8 վայրկյանում, սակայն նրա առավելագույն արագությունը կազմում է 320 կմժ:

Լրամշակված Brabus Mercedes-Benz SL կարող է ստանալ ֆիրմային անիվային դիսկեր` 17-ից մինչեւ 20 դյույմ չափի, արդիականացված կախոց եւ ավելի հզոր արգելակներ:

Լրամշակված տարբերակի արժեքը դեռեւս չի հաղորդվում:

Facebook Odnoklassniki

3460 դիտում