Like
OK
Կայացավ Renault Arkana մոդելի պաշտոնական շնորհանդեսը
Դիլերներ
2009թ. դեկտեմբերի 04-ին “Վեկար” ընկերությունը, որը հանդիսանում է CHEVROLET մակնիշի պաշտոնական ներկայացուցիչը Հայաստանում, առաջին անգամ կազմակերպել էր ավտոմեքենաների փորձարկում հատուկ զանգվածային լրատվամիջոցների ներկայացուցիչների համար:
Նախապես հրավիրված մի քանի տասնյակ լրատվամիջոցների ներկայացուցիչները հավաքվել էին Հալաբյան 18 հասցեում գտնվող ավտոսրահում, ուր ներակայցված էին CHEVROLET ավտոմեքենաների մոդելային շարքի գրեթե բոլոր ներկայացուցիչները և, ամենակարևորը, “օրվա հոբելյարը”` CHEVROLET CRUZE ավտոմեքենան, որն իր նորամուտն էր նշում Հայաստանում:
Ինչպես հաղորդվում է “Վեկար” ընկերության մամլո հաղորդագրությունում, թեստ-դրայվի էին ներկայացված նաև AVEO, LACETTI, EPICA մոդելները, որոնք արդեն մի քանի տարի է, ինչ հաջողությամբ վաճառվում են հայաստանյան շուկայում: Հրավիրված լրագրողներին լրացուցիչ հնարավորություն ընձեռնվեց շփվել թե միմյանց հետ, թե “Վեկար” ընկերության աշխատակիցների հետ` ուղղելով նրանց տարատեսակ հարցեր: Ավտոսրահի մարքետինգի բաժնի մասնագետները ներակայցրին CHEVROLET CRUZE ավտոմեքենայի շուկայական առավելությունները, նրա հնարավոր մրցակցությունը և նշանակությունը GENERAL MOTORS ավտոհսկայի, մասնավորապես` CHEVROLET բրենդի համար:
Միջոցառման բացման հակիրճ խոսքով հանդես եկավ “Վեկար” ընկերության գովազդի մենեջեր Արտյոմ Պետրոսյանը, ով, ողջունելով հավաքվածներին, բոլորին հրավիրեց անցնել զուտ թեստ-դրայվին, օգտվել առաջարկվող հյուրասիրությունից և իրենց հետաքրքրող հարցերով դիմել սրահի աշխատակիցներին:
Լրագրողները հերթով փորձարկեցին ավտոմեքենաները: Ուշագրավ է, որ նախապես հայտարարված 4 ավտոմեքենաների փոխարեն փորձարկվեցին 6 CHEVROLET, ինչը վկայում է հասարակայնությանը ներկայանալու այս ձևաչափի հաջողության մասին:
Ամենամեծ անակնկալը կարծես թե սպասում էր լրագրողներին այն պահին, երբ հայտարարվեց, որ CHEVROLET CRUZE ավտոմեքենան արդեն գտել է իր երջանիկ վարորդին: Հենց վերջինիս հանդիսավոր հանձնվեցին ավտոմեքենայի բանալիները, գեղեցիկ մեծ ծաղկեփունջ և հուշանվերներ “Վեկար” ընկերության կողմից:
Ի վերջո միջոցառմանը ներկա բոլոր լրագրողները արժանացան նաև փոքրիկ անակնկալ նվերների “Վեկար” ընկերության և CHEVROLET-ի կողմից:
“Վեկար” ընկերությունը իր շնորհակալությունն է հայտնում միջոցառմանը մասնակցած բոլոր լրագրողներին, որոնց ներկայությունը ընկալվեց որպես տվյալ լրատվամիջոցների հետ արդյունավետ և փոխադարձ հարգանքի վրա հիմնված աշխատանքի վառ ապացույց:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
