Aston Martin One-77-ը դարձավ մակնիշի ամենաարագ ավտոմեքենան

Aston Martin One-77 էքսկլյուզիվ ավտոմեքենան դարձել է մակնիշի ամենաարագ մոդելը պատմության ընթացքում: Եվրոպայում անցկացված փորձարկումների ժամանակ, որոնք անցկացվել են ապրանքային օրինակների թողարկումից առաջ, ավտոմեքենան զարգացրեց 355 կմ/ժ արագություն` նախկինում հայտարարված 321 կմ/ժ փոխարեն: Փորձարկումներն անցկացվել են չոր քամոտ եղանակային պայմաններում եւ ընկերությունում ակնկալում են, որ ավելի բարենպաստ եղանակային պայմաններում ավտոմեքենան կարող է ավելի արագ լինել: Այս մասին հաղորդում է բրիտանական Autocar պարբերականը:

One-77 սուպերավտոմեքենայի համաշխարհային պրեմիերան կայացել է ընթացիկ տարվա մարտին Ժնեւում: Ետեւիքարշակային ավտոմեքենան կառուցված է կարբոնային շասսիի վրա, որին ամրացվում են ձեռքով պատրաստված ալյումինե պանելները, իսկ նրա շարժիչային հատվածում գտնվել է 7,3 լիտրանոց մթնոլորտային V12 շարժիչ` 700 ձիաուժ հզորությամբ, որն աշխատում է 6-աստիճան սեքվենտալ փոխանցման տուփի հետ միասին: Ինչպես հաղորդվում էր նախկինում, զրոյից մինչեւ 100 կմ արագություն մեքենան զարգացնում է 3,5 վայրկյանում:

Aston Martin One-77 թողարկվելու է սահմանափակ քանակությամբ` 77 օրինակով, ընդ որում բոլոր ավտոմեքենաներն արդեն ձեռքբերված են նախնական հայտերով, որոնց համաձայն գնորդները մուծել են 200 000 ֆունտ ստերլինգ կանխավճար: Ավտոմեքենայի ողջ արժեքը կազմում է 1,2 մլն ֆունտ ստերլինգ (մոտ 1,9 մլն դլորա): Ավտոմեքենայի առաջին սեփականատերն է դարձել է ոմն ավստրալացի, որը ավտոմեքենայի համար կվճարի 3,8 մլն դոլար` հաշվի առնելով մեքենայի գինը, հարկերը, մաքսային տուրքերը եւ տեղափոխման վճարը:

Ավտոմեքենաների հանձնումը սեփականատերերին կսկսվի հաջորդ տարվա ամռանը:

Facebook Odnoklassniki

3237 դիտում