Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Peugeot ընկերության ղեկավարությունը հայտարարել է մակնիշի այսպես կոչված ռեբրենդինգի մեկնարկի մասին: Ճիշտ է, միանգամից պետք է ասել, որ հեղափոխություն սպասել պետք չէ: Բայց միեւնույն ժամանակ փոփոխություններ կլինեն: Իրենք ֆրանսիացիները հավաստիացնում են, որ ապագայում Peugeot-ները մշակվելու են երեք կանոններով. եզակիություն, նոր տեխնոլոգիաներ, շարժունակություն:
Բացի այդ, Peugeot-ն հայտարարել է իր տարբերանշանի եւ կարգախոսի փոփոխության մասին: Վերջինը բոլոր շուկաներում առանց բացառության հնչելու է այսպես. Peugeot, Motion & Emotion: Ինչ վերաբերվում է տարբերանշանին, ապա այստեղ, ինչպես նախկինում, պատկերված կլինի առյուծ, որը հանդիսանում է ընկերության տարբերանշանը 1858 թվականից: Ճիշտ է, նրան փոքր-ինչ փոփոխել են: Մասնավորապես, նկարն ավելի հասարակ են դարձրել, միեւնույն ժամանակ ավելացնելով դինամիզմ: Բացի այդ, առյուծը եռաչափ է դարձել, եւ նրան կսկսեն նկարել ավելի խորը կապույտ ֆոնի վրա:
Մակնիշի ռեբրենդինգի եւ տարբերանշանի փոփոխության մասին հայտարարության հետ միաժամանակ Peugeot ընկերությունը տարածել է իր նոր կոնցեպտի լուսանկարները, որը ցույց է տալիս, թե ինչպես է զարգանալու մակնիշը: Ավտոմեքենան կոչվում է SR1, իսկ նրա պրեմիերան կկայանա Ժնեւի ավտոսրահում մարտին:
Peugeot SR1 ընդամենը կոնցեպտ է, որը երբեք սերիական արտադրության չի իանցնի: Սակայն այդ ավտոմեքենայում օգտագործված են շատ դիզայներական լուծումներ, որոնք Peugeot-ի նոր մոդելների վրա կհայտնվեն արդեն մոտակա տարիներին: Հետաքրքիր է նաեւ SR1-ի ուժային համակարգը: Չէ որ այդ մեքենայի վրա տեղադրված է 1,6 լիտր ծավալով բենզինային շարժիչ, որը միանգամից զարգացնում է 218 ձիաուժ հզորություն: Սակայն միեւնույն ժամանակ կա նաեւ էլեկտրաշարժիչ` 95 ձիաուժ հզորությամբ (այն պտտեցնում է ետեւի անիվները):
Միայն էլեկտրաշարժիչի օգտագործումը թույլ է տալիս ավտոմեքենային աշխատել ածխաթթու գազի զրոյական արտանետման մակարդակով, քանի որ երկու շարժիչների միաժամանակ աշխատելու ժամանակ կոնցեպտի վառելիքի ծախսը չի գերազանցում 4,9 լիտրը (100 կմ): Երկու շարժիչների աշխատանքի ժամանակ լիաքարշակ Peugeot SR1-ի առավելագույն հզորությունը կազմում է 313 ձիաուժ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
