Նոր սերնդի Infiniti QX56 ամենագնացը կցուցադրեն մարտին

Չորեքշաբթի օրը, հունվարի 13-ին, Nissan ընկերությունը հաստատել է մարտի 31-ին Նյու Յորքում կայանալիք մոտոր-շոուին նոր սերնդի Infiniti QX56 ամենագնացի ներկայացման իր ծրագրերը: Ամերիկյան շուկայում ավտոմեքենան վաճառքի կհանվի ամռանը, գրում է MotorAuthority ցանցային պարբերականը:

Ինչպես հաղորդվում էր նախկինում, նորույթը կկառուցվի նույն պլատֆորմի վրա, ինչ իր նախորդողը, կունենա 5,6 լիտրանոց 8-մխոցանի բենզինային շարժիչ (հնարավոր է, որ հաջորդ սերնդի Infiniti QX56-ի համար այն կուժեղացվի 325 ձիաուժից մինչեւ 400 ձիաուժ), սակայն կստանա թափքի բոլորովին այլ դիզայն: Դատելով նախկինում հրապարակված լուսանկարներից, ամենագնացը կունենա դիմային լույսի նոր այլ լուսարձակներ, այլ կապոտ եւ ռադիատորի ցանց, ինչպես նաեւ օդափոխիչ անցքեր դիմացի թեւերի վրա:

Բացի այդ, Nissan-ը եւ Infiniti-ն հայտարարել էին առաջիկա տարվա ընթացքում այլ նոր մոդելներ շուկա դուրս բերելու ծրագրերի մասին: Դրանց թվում են հաջորդ սերնդի Infiniti M-ը (համաշխարհային վաճառքները կսկսվեն գարնանը), Nissan 370Z սպորտային ավտոմեքենայի հատուկ տարբերակը, Nissan Juke սուբկոմպակտ քրոսովերը (կհայտնվի սեպտե,բերին), Nissan Quest մինիվենի փոխարինողը, Nissan Leaf էլեկտրական ավտոմեքենան եւ Infiniti-ի ինչ-որ նոր մոդել, որը կունենա հիբրիդային եւ էլեկտրական ուժային համակարգ: Հնարավոր է, որ դա կլինի կոմպակտ ավտոմեքենա, որը կկարողանա մրցակցել BMW 1-Series-ի եւ Audi A3-ի հետ:

Facebook Odnoklassniki

2658 դիտում