Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հունվարի 16-ին` երեւանյան ժամանակով 15:15-ին, Արտաշատ-Այգեւան կայարանամիջում բախվել են մարդատար ավտոմեքենան եւ էլեկտրագնացքը: Ինչպես PanARMENIAN.Net-ի թղթակցին հաղորդեցին “Հարավկովկասյան երկաթուղի” ՓԲԸ մամլո ծառայությունից, ուղեւորատար էլեկտրագնացքը, որը մեքենավար Ե.Ոսկերչյանի ղեկավարությամբ շարժվում էր Երեւան-Արարատ երթուղիով, բախվել է “Մերսեդես” մակնիշի ավտոմեքենային: Խախտելով անվտանգության կանոնները` մեքենան մեծ արագությամբ փորձել է հատել երկաթուղային գծանցը` արհամարելով մոտեցող էլեկտրագնացքը: Վթարի արդյունքում զոհվել են ավտոմեքենայում գտնվող 3 հոգին: Էլեկտրագնացքի ուղեւորները չեն տուժել: Էլեկտրագնացքի կանգառի հետ կապված` ՀԿԵՈՒ աշխատակիցները ուղեւորներին նշանակության վերջնական կետ հասցնելու միջոցառումներ են իրականացրել:
“ՀԿԵՈՒ-ն եւս մեկ անգամ ընդգծում է գծանցերում անվտանգության կանոնների պարզաբանման աշխատանքներին պետական մարմինների, ուսումնական հաստատությունների, ավտոդպրոցների, լրատվամիջոցների մասնակցության անհրաժեշտությունը”,- նշվում է ՀԿԵՈՒ հաղորդագրության մեջ:
“Հարավկովկասյան երկաթուղի” ՓԲԸ-ն “Ռուսական երկաթուղի” ԲԲԸ-ի 100-տոկոսանոց դուստր-ձեռնարկությունն է: “Հայկական երկաթուղի” ՓԲԸ-ն հանձնվել է “ՀԿԵՈւ” ՓԲԸ-ի կոնցեսիոն կառավարմանը, ըստ 2008թ. փետրվարի 13-ին կնքված կոնցեսիոն պայմանագրի: Կոնցեսիոն կառավարման ժամկետը 30 տարի է` այն եւս 10 տարով երկարացնելու իրավունքով:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
