Carscoop կայքի տրամադրության տակ է հայտնվել Lexus կոմպակտ ավտոմեքենայի լրտեսական լուսանկարը, որը կառուցվել է LF-Ch կոնցեպտուալ ավտոմեքենայի մոտիվներով եւ առաջին անգամ ներկայացվել էր նախորդ տարվա սեպտեմբերին Ֆրանկֆուրտի մոտորշոուին: Ապրանքային ավտոմեքենան ստացել է նախատիպի թափքի ետեւի մասի նույնատիպ ձեւավորում: Ամենանկատելի փոփոխությունը դիզայնում այլ ետեւի լուսարձակներն են, որոնք ունեն ուրիշ չափ եւ ձեւ: Նորույթի դեբյուտը կկայանա Ժնեւի ավտոսրահում մարտին:
Նախնական տեղեկատվությամբ, 5-դռնանի Lexus հեթչբեքն առաջարկվելու է հիբրիդային ուժային համակարգով, որի գումարային հզորությունը կկազմի 187 ձիաուժ, եւ կներառի 2,4 լիտր ծավալով բենզինային շարժիչ, էլեկտրաշարժիչ, եւ նիկել-մետաղհիդրիդային մարտկոցներ: Նշենք, որ նույնատիպ ուժային համակարգ է օգտագործվում Lexus HS 250h հիբրիդի վրա, որն արդեն նախորդ տարվանից վաճառվում է հյուսիսամերիկյան շուկայում:
Ակնկալվում է նաեւ, որ նորույթը մատչելի կլինի նաեւ ներքին այրման սովորական շարժիչներով, սակայն որեւէ տեղեկատվության դրանց մասին դեռեւս չկա:
Հոսքագծի վրա Lexus հեթչբեքը կհայտնվի 2010 թվականի աշնանը եւ, որոշ տվյալներով, կստանա CT անունը: Ավտոմեքենան մրցակցություն կկազմի Audi A3-ին եւ BMW 1-Series-ին:
Like
OK
