Audi ընկերությունը փետրվարի 15-ից կդադարեցնի A3 մոդելի արտադրությունը Ինգոլշտադտի իր ձեռնարկությունում, հաղորդում է Auto Observer-ը` վկայակոչելով գերմանական ավտոարտադրողի ներկայացուցչի հայտարարությունը: Հոսքագիծը կդադարեցնի իր աշխատանքը մեկ շաբաթով ավտոմեքենայի նկատմամբ պահանջակի կտրուկ անկման պատճառով:
"Ավտոմեքենայի նկատմամբ պահանջարկն ընկել է ավտոարդյունաբերության աջակցման կառավարական ծրագրի գործողության ավարտի կապակցությամբ, ինչպես նաեւ այն պատճառով, որ A3-ը փոքր-ինչ հնացել է: Մենք միանգամայն համոզված ենք, որ հարկադրված դադարը մեկ շաբաթից երկար չի տեւի”, - հայտարարել է Audi-ի ներկայացուցիչ Անտյե Բաուէրը: Թողարկման դադարը կվերաբերվի 4500 աշխատակցի, որոնց կառաջարկվի շարունակել աշխատանքը այլ հոսքագծերի վրա կամ ծախսել նախորդ տարվա չօգտագործված աշխատանքային օրերը: Ընդամենը Ինգոլշտադտի գործարանում աշխատում է 32 000 մարդ:
Չնայած արտադրության դադարին եւ A3 մոդելի ցածր պահանջարկին, 2010 թվականին Audi-ն մտադիր է վաճառել ավելի քան մեկ միլիոն ավտոմեքենա: 2009 թվականին գերմանական ավտոարտադրողն իրացրել է 949 հաղար 700 ավտոմեքենա, ինչը 5%-ով քիչ էր 2008 թվականի ցուցանիշից, երբ ողջ աշխարհում վաճառվել էր 1 003 469 Audi ավտոմեքենա: Այս ցուցանիշը ռեկորդ էր բրենդի համար:
Like
OK
