Ճանապարհային ոստիկանությունը տեղեկացնում Է

Ինչպես Auto.am կայքը տեղեկացել է ՀՀ ոստիկանության պաշտոնական կայքից, ոստիկանության ճանապարհային ոստիկանություն ծառայությունը նախատեսում է հանրապետության ավտոճանապարհները կահավորել ճանապարհային երթևեկության կանոնների խախտումների հայտնաբերման ավտոմատ համակարգով, որը հնարավորություն կտա ճանապարհներին տեղադրված տեսախցիկների տեսադաշտում հայտնված տրանսպորտային միջոցների հոսքում հայտնաբերել և նույնականացնել այն տրանսպորտային միջոցները, որոնք կատարել են ճանապարհային երթևեկության կանոնների հետևյալ խախտումները

- սահմանված արագության գերազանցում.
- լուսացույցի կարմիր ազդանշանի պահանջները չկատարելը.
- հանդիպակաց երթևեկելի գոտի դուրս գալը.
- կանգառի և կայանման կանոնների խախտումները.
- ճանապարհային նշանների պահանջները չկատարելը
- ճանապարհային գծանշումների պահանջները չկատարելը

Խախտումների յուրաքանչյուր դեպքի համար համապատասխան տվյալները պետք է ուղարկվեն տվյալների մշակման կենտրոն, որտեղ պետք է կազմվի ու տպագրվի վարչական իրավախախտման արձանագրություն (այն պետք է պարունակի ճանապարհային երթևեկության կանոնները խախտող տրանսպորտային միջոցի նկարները) և համապատասխան որոշում:

Նախատեսված մրցույթի տեխնիկական առաջադրանքը լիարժեք կազմելու, ինչպես նաև համապատասխան ֆինանսական միջոցներ նախատեսելու համար շահագրգիռ կազմակերպություններին ու ֆիրմաներին առաջարկում ենք մինչև 20.02.2010թ. խորհրդատվական առաջարկություններ ներկայացնել ՀՀ ոստիկանության “Ճանապարհային ոստիկանություն” ծառայություն:

Հասցե` Հայաստանի Հանրապետություն, ք.Երևան, Իսակովի պող. 9
Հեռ. (374)10564588, (374)10580424, (374)10565994, (374)77888871
Ֆաքս. (374)10564588, (374)10546790
Էլ.hասցե. Gagik.Safaryan@gmail.com, gag-safaryan@yandex.ru, Mark.Ohanyan@gmail.com

Facebook Odnoklassniki

9769 դիտում