Honda-ն կներկայացնի CR-Z կուպեն Ժնեւոմ

Honda CR-Z-ի եվրոպական տարբերակն առաջին անգամ կներկայացվի Ժնեւի ավտոսրահում այս տարվա մարտին: Եվրոպական շուկայի համար նախատեսված տարբերակն առանձնանում է 2+2 սրահի այլ դասավորությամբ եւ ցերեկային լույսի լուսադիոդային լուսարձակներով; Ավտոմեքենան ունի հիբրիդային ուժային համակարգ` մեխանիկական տրանսմիսիայով: Համակարգի ընդհանուր հզորությունը կազմում է 124 ձիաուժ, իսկ պտտեցնող պահը` 174 Նմ: IMA էլեկտրաշարժիչը ունի 14 ձիաուժ հզորություն եւ կարող է զարգացնել 78 Նմ, ավելացնում է պտտեցնող պահը պտույտների ցածր եւ միջին դիապազոնում: Վառելիքի ծախսը 100 կմ համար կազմում է 5լ խառը ցիկլում:

Honda CR-Z ունի եռառեժիմ 3-Mode Drive System համակարգ: Այդ եզակի համակարգը թույլ է տալիս վարորդին ընտրել կարգավորումների երեք ռեժիմներից մեկը, որոնք փոփոխում են աքսելերատորի ռեակցիայի արագությունը, շարժիչի աշխատանքի դադարեցման ժամանակը ինքնագնաց պտույտների ժամանակ, ինչպես նաեւ IMA համակարգի աշխատանքի չափորոշիչները:

CR-Z-ի վաճառքների մեկնարկը Եվրոպայում նախատեսված է 2010 թվականի կեսերին: Նորույթի գները կհայտարարվեն Ժնեւի ավտոսրահում:

Facebook Odnoklassniki

3178 դիտում