Like
OK
Կայացավ Renault Arkana մոդելի պաշտոնական շնորհանդեսը
Դիլերներ
ՀՀ կառավարությունը այսօր հավանության է արժանացրել տրանսպորտային միջոցների պետական կադաստրի ստեղծման մասին օրինագիծը:
Ինչպես հաղորդում է ՄԵԴԻԱՄԱՔՍ գործակալությունը, այդ օրենքի ընդունման անհրաժեշտության մասին բազմիցս հայտարարում էին առեւտրային բանկերի ներկայացուցիչներն ու Հայաստանի բանկերի միությունը:
Ինչպես այսօր կառավարության նիստում հայտնել է ՀՀ Ոստիկանության պետի տեղակալ Հովհաննես Հունանյանը, օրենքը կարգավորելու է սեփականության իրավունքի գրանցումը եւ տրանսպորտային միջոցի գրավը: Նոր օրենքը վարկային կազմակերպություններին թույլ կտա կառավարել իրենց ռիսկերը, կանոնակարգել տրանսպորտային միջոցի սեփականության իրավունքի կամ գրավի հետ կապված հարաբերությունները եւ կխթանի ավտովարկավորման աճը:
Հովհաննես Հունանյանը նշել է, որ պետական կադաստրի ներդրումը չի ենթադրում լրացուցիչ ֆինանսական բեռ ավտոմեքենաների սեփականատերերի համար:
ՀՀ վարչապետ Տիգրան Սարգսյանը տեղեկացրել է, որ օրինագիծը մշակվել է ՀՀ նախագահի հանձնարարությամբ եւ պետք է շուտափույթ կերպով ներկայացվի Ազգային Ժողովի քննարկմանը: Կառավարության ղեկավարը համապատասխան գերատեսչությունների հանձնարարել է 2 օրվա ընթացքում շտկումներ կատարել օրինագծում` տրանզիտային փոխադրամիջոցների գրանցման, ինչպես նաեւ Վրաստանի տարածքում ավտոմեքենաների առքուվաճառքի գործարքների վերաբերյալ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
