Ժնեւի ավտոսրահում կայացավ Dacia Duster բյուջետային քրոսովերի համաշխարհային պրեմիերան: Այստեղ էլ հայտարարվեցին նորույթի եվրոպական գները. առջեւի քարշակ բազային տարբերակը կարժենա 11 հազար 900 եվրո:
Nissan Qashqai-ի հետ ունիֆիկացված լիաքարշակ տարբերակը կարժենա 2 հազար դոլարով ավելի` սկսած 13 հազար 900 եվրոյից:
Եվրոպայում ավտոմեքենան կհայտնվի արդեն ընթացիկ տարվա մարտին: Մեկ տարի անց նախատեսվում է այս ավտոմեքենաները թողարկել նաեւ մոսկովյան գործարանում, որտեղ արտադրվում են նաեւ Logan սեդանները եւ Sandero հեթչբեքները:
Եվրոպական շուկայում Dacia Duster-ը մատչելի կլինի երեք շարժիչներով. 1,5 լիտրանոց տուրբոդիզելով` 85 եւ 110 ձիաուժ հզորությամբ, ինչպես նաեւ 1,6 լիտրանոց բենզինային շարժիչով` 110 ձիաուժ հզորությամբ: Ընդ որում, լիաքարշակ մոդելը կստանա Nissan մոդելների 6-աստիճան մեխանիկական փոխանցման տուփ:
Like
OK
