BMW պատրաստում է Audi A1-ի լիաքարշակ մրցակից

BMW ընկերությունը նախատեսում է մոտ ապագայում շուկա դուրս հանել լիաքարշակ կոմպակտ ավտոմեքենա: Այն կառուցվելու է MINI մոդելների ագրեգատների օգտագործմամբ եւ շուկայում մրցակցություն կկազմի Audi A1 հեթչբեքին, որն անցյալ շաբաթ ներկայացվեց Ժնեւում, ինչպես նաեւ հաջորդ սերնդի Smart Forfour ավտոմեքենային, որն այժմ մշակվում է Mercedes-Benz ընկերության կողմից:

Ինչպես Autocar ամսագրին հայտնել է բավարական ավտոարտադրողի ղեկավար Նորբերտ Ռայթհոֆերը, նոր մոդելը, որն ընկերության մոդելների շարքում մեկ աստիճան ցածր տեղ կզբաղեցնի 1-Series-ից, կարող է հայտնվել նրա շնորհիվ, որ չնայած գնողունակության “ճգնաժամին”, աշխարհում այնուամենայնիվ, զգացվում է պրեմիում մակնիշների ոչ մեծ ավտոմեքենաների պահանջարկը: “Մենք կընդլայնենք BMW-ի եւ MINI-ի շարքը նոր կոմպակտ մոդելների եւ մոդիֆիկացիաների շնորհիվ: Այդ ավտոմեքենաների համար մենք մշակում ենք ընդհանուր առջեւի- եւ լիաքարշակ կառուցվածք”, - ավելացրել է Ռայթհոֆերը:

Որոշ տվյալներով, առջեւի քարշակային BMW-ն կառուցվելու է հաջորդ սերնդի MINI Cooper հեթչբեքի պլատֆորմի վրա, որը հոսքագծի վրա կկանգնի 2014 թվականից ոչ շուտ: Իսկ գերմանական ավտոմեքենան, ինչպես սպասվում է, շուկա դուրս կգա մեկ տարի ավելի շուտ:

Ինչպես հաղորդվում էր նախկինում, BMW ընկերությունը նախատեսում է նաեւ մի քանի տարի անց թողարկել ոչ մեծ Megacity էլեկտրաավտոմեքենան, որը մշակվելու է "Project i" ծրագրի շրջանակներում, որը ենթադրում է էկոլոգիապես մաքուր տրանսպորտային միջոցների ստեղծումը եւ հետագա արտադրությունը: MINI-ն իր հերթին նախատեսում է կազմակերպել բոլորովին նոր, ներկայիս “Cooper”-ից ավելի մեծ մոդելի արտադրությունը, որը մրցակցություն կկազմի VW Golf GTI “ուժեղացված” հեթչբեքին:

Facebook Odnoklassniki

2424 դիտում