2010թ. Հայաստանում ՃՏՊ հետեւանքով զոհվել է 40 մարդ

Տարվա սկզբից Հայաստանում արձանագրվել է 298 ճանապարհատրանսպորտային պատահար /ՃՏՊ/:

Ինչպես հաղորդում է ՄԵԴԻԱՄԱՔՍ-ը, ՀՀ Ճանապարհային ոստիկանության պետ Մարգար Օհանյանն այսօր ասել է, որ 2010թ. ՃՏՊ հետեւանքով զոհվել է 40 մարդ եւ տարբեր աստիճանի մարմնական վնասվածք ստացել 410 մարդ:

2010թ. մարտի 10-ի դրությամբ Ճանապարհային ոստիկանության աշխատակիցների կողմից կազմվել է ճանապարհային երթեւեկության կանոնների խախտման վերաբերյալ 105.949 ակտ, որից 19.472-ը բաժին են ընկնում անվտանգության ամրագոտիները չամրակապած իրավախախտներին: Մեկնաբանելով անվտանգության ամրագոտիների պարտադիր կիրառման ներդրումը` Մարգար Օհանյանը նշել է, որ դա հանգեցրել է ՃՏՊ-ների ժամանակ մահացության դեպքերի թվի էական կրճատմանը:

Մարգար Օհանյանը տեղեկացրել է, որ 2009թ. Հայաստան է ներկրվել 17.600 տրանսպորտային միջոց, որից 10.500-ը գրանցվել են Երեւանում:

Facebook Odnoklassniki

1497 դիտում