Kia ընկերությունը տարածել է հաջորդ սերնդի Magentis սեդանի պաշտոնական լուսանկարները, որը կներկայացվի ապրիլի սկզբին Նյու Յորքում մեկնարկող ավտոսրահում: Ավտոմեքենայի արտաքինը մակնիշի ֆիրմային ոճում է, որը մշակվել է Kia-ի շեֆ-դիզայներ Փիթեր Շրեյերի կողմից, իսկ վերջնական աշխատանքը իրականացվել է բրենդի Ֆրանկֆուրտի գրասենյակում:
Նորույթի մասին դեռեւես պաշտոնական տեղեկություններ չկան: Նախնական տվյալներով, հաջորդ սերնդի Kia Magentis-ը կկառուցվի նոր Hyundai Sonata-ի պլատֆորմի վրա, իսկ իր չափերով եւ սրահում եւ բեռնախցիկում ազատ տարածքով ավտոմեքենան շատ ավելի մեծ կդառնա իր նախորդողից եւ մրցակիցներից: Նշենք, որ ավելի վաղ տարածված տեղեկատվության համաձայն, Magentis-ի համար օգտագործվելու է Hyundai Genesis-ի ետեւի քարշակային պլատֆորմը:
Ակնկալվում է, որ Kia Magentis-ն առաջարկվելու է 2-լիտրանոց բենզինային եւ դիզելային շարժիչներ: Հարավային Կորեայում նոր Magentis-ը վաճառքում կհայտնվի ընթացիկ տարվա վերջին: Եվրոպական շուկա ավտոմեքենան կհանվի 2011 թվականին:
Like
OK
