Ուկրաինական «Բոգդան» կորպորացիան «Կարկոմավտո» ՍՊԸ-ի հետ դիստրիբյուտորական համաձայնագիր է ստորագրել, ըստ որի վերջինս զբաղվելու է Հայաստանում «Բոգդանի» նոր «Bogdan 2310 Pick-up» մոդելի վաճառքով:
Ուկրաինական ավտոարտադրող Սերգեյ Կրասուլյայի խոսքերով, առաջին 12 մեքենաները մուտք կգործեն Հայաստան արդեն մարտին, իսկ մինչեւ տարեվերջ Հայաստանում նախատեսվում է իրացնել մինչեւ 150 pick-up, հաղորդում է ուկրաինական «ԼիգաԲիզնեսԻնֆորմ» գործակալությունը:
«Bogdan 2310 Pick-up»-ը ստեղծված է «Lada 2110»-ի բազայի վրա: Մեքենան օժտված է 8 եւ 16 փականանոց շարժիչներով: Մեքենայի բեռնատարողությունը 500 կգ է:
Բացի խոշոր հանրային տրանսպորտային միջոցներից եւ «Pick-up»-ներից ընկերությունը սկսել է արտադրել նաեւ մարդատար ավտոմեքենաներ, որոնք դեռեւս չի նախատեսում իրացնել Հայաստանում:
Like
OK
