Audi ընկերությունը ներկայացրել է TT-ի նորացված ընտանիքը

Audi ընկերությունն առաջին տեղեկություններն է տարածել TT ընտանիքի նորացված կուպեի եւ կաբրիոլետի մասին: Երկու նորույթները ստացել են փոքր-ինչ լրամշակված արտաքին. նոր բամպերներ, ռադիատորի ցանցեր եւ ցերեկային լույսի լուսադիոդային էլեմենտներով լուսարձակներ, արտանետային համակարգի նոր խողովակներ եւ ավելի խոշոր դիֆֆուզոր ետեւի բամպերում, ինչպես նաեւ նորացված ինտերյեր: Այստեղ փոխվել է թվային դիսփլեյների գույնը` կարմիրից սպիտակ, ինչպես նաեւ հայտնվել են սրահի հարդարման նոր գունային տարբերակներ:

Գլխավոր տեխնիկական նորամուծությունը Audi TT շարժիչների շարքում երկլիտրանոց տուրբոշարժիչն է` վերցված VW Golf GTI հաջորդ սերնդից: Այդ շարժիչը զարգացնում է 211 ձիաուժ (նախորդողի 200-ի փոխարեն) եւ ունի 350 Նմ առավելագույն պտտեցնող պահ (գրեթե 70 Նմ ավել, քան նախկինում): 6-աստիճան մեխանիկական տուփի հետ միասին, նոր շարժիչը մինչեւ 100 կմ/ժ արագություն է զարգացնում 6,1 վայրկյանում, իսկ լիաքարշակ կուպեն, որը ունի նախասելեկտիվ DSG փոխանցման տուփ, այդ վարժությունը կատարում է 5,6 վայրկյանում:

Audi TTS եւ TT RS ուժեղացված մոդիֆիկացիաների տեխնիկական հագեցվածությունը չի փոխվել: TT S տարբերակներն այժմ կունենան նոր լուսարձակներ` լուսադիոդային էլեմենտներով, իսկ ավելի ուշ, որոշ տվյալներով, դրանց վրա կտեղադրվի արդիականացված վեցաստիճան DSG «ռոբոտը»:

Ռեսթայլինգ անցած Audi TT-ների եվրոպական պրեմիերան կկայանա ապրլինի Լայպցիգում:

Facebook Odnoklassniki

2291 դիտում