Land Rover-ը վաճառքների ռեկորդ է սահմանել մարտին

Բրիտանական Land Rover ընկերությունը սահմանել է ընդհանուր վաճառքների ռեկորդ` 2010 թվականի մարտ ամսին վաճառելով 24,000 ավտոմեքենա, ինչը 43.1%-ով գերազանցել է նախորդ տարվա նույն ժամանակահատվածի ցուցանիշը:

Մարտն արդեն 6-րդ անընդմեջ ամիսն է, որոնց ընթացքում Land Rover-ը ցուցադրում է կայուն աճ եւ հաստատում է իր տեղը շուկայում: Land Rover-ի գլխավոր տնօրեն Ֆիլ Փոֆեմը նշել է, որ «Land Rover-ը հիանալի մեկնարկ ունեցավ 2010 թվականին եւ այժմ մենք մեկ երրորդով ավելի վաճառքներ ենք արձանագրում նախորդ տարվա նույն ժամանակահատվածի համեմատությամբ: Շատ ուրախալի է նաեւ այն փաստը, որ մենք շարունակական աճ ենք արձանագրում նաեւ զարգացող երկրների շուկաներում»:

«Վաճառքների աճը հիմնականում պայմանավորված է Land Rover-ի 2010 թվականի մոդելային շարքին գնորդների եւ մամուլի կողմից տված գնահատականով: Մոդելային շարքի մեջ ընդգրկված են Range Rover, Range Rover Sport, Discovery 4 եւ Freelander 2-ը եւ սա ամենաարդյունավետ եւ տեխնոլոգիապես առաջադեմ շարքն է, որը Land Rover-ը երբեւէ ունեցել է, ինչը ապացուցում է պահանջարկը մեր բրենդի նկատմամբ», - ավելացրել է Փիլ Փոֆեմը:

Land Rover-ը բարելավել է իր դիրքերը շուկաների մեծ մասում` հիմնականում ամրապնդվելով Եվրոպայում եւ զարգացող շուկաներում: Չինաստանում 2009 թվականի նույն ժամանակահատվածի համեմատությամբ աճը կազմել է 192%, Կորեյաում` 149% եւ Բրազիլիայում` 101,4%:
 
Մեծ Բրիտանիան շարունակում է ամենամեծ շուկան մնալ Land Rover-ի համար, որտեղ վաճառքների աճը կազմել է 67%, իսկ վաճառվել է 11,350 ավտոմեքենա` խփելով բոլոր նախորդ ռեկորդները: Հյուսիսային Ամերիկան մարդ ամսին երկրորդն է գրեթե 23% աճով (2,975 ավտոմեքենա) եւ երրորդը Չինաստանն է, որտեղ վաճառվել է ավելի քան 2000 ավտոմեքենա:

Մյուս եվրոպական շուկաները, որտեղ վաճառքների աճ է գրանցվել. Շվեյցարիան է (139%), Թուրթիան (150%), Ավստրիան (53.4%), Իսպանիան (67.2%), Գերմանիան (59%) Ֆրանսիան (27.8) եւ Նիդեռլանդները (38.6%):.