Mercedes-Benz-ը ներկայացրել է սպորտային ունիվերսալի նախատիպը

Mercedes-Benz ընկերությունը Պեկինի ավտոսրահում կներկայացնի սպորտային ունիվերսալի նախատիպը` “shooting brake” թափքով ավտոմեքենան: Այս մոդելը, սերիական արտադրության դեպքում, մրցակցություն կկազմի BMW 5-Series GT-ին եւ Audi-ի ապագա Audi A7 մոդելին:

Mercedes-Benz Shooting Break Concept-ն ավելի խոշոր  է ստացվել E-Class ունիվերսալից. նրա երկարությունը կազմում է 4,96 մետր, լայնությունը` 1,95 մետր, իսկ բարձրությունը` 1,44 մետր: Նորույթի դիզայնն իրագործված է գերմանական մակնիշի նոր ֆիրմային ոճով. ինչպես սպասվում է, հենց այսպիսի տեսք կունենա նաեւ Mercedes-Benz CLS նոր չորսդռնանին կուպեն, որը դեռեւս պատրաստվում է պրեմիերայի:

Ներսում Mercedes-Benz Shooting Break E դասի ունիվերսալից տարբերվում է բարձր կենտրոնական թոնելով, որը կիսում է սրահը եւ եւետի դիվանը երկու մասի, ինչպես նաեւ արդիականացված կենտրոնական վահանակով եւ համապատկերային ապակե առաստաղի առկայությամբ: Բեռնախցիկում` կաշեպատ հարթ հատակ եւ օրգանայզեր-պայուսակներ, որոնք տեղադրված են կողքերով:

Mercedes-Benz-ի կոնցեպտուալ սպորտային ունիվերսալը կունենա 3,5-լիտրանոց բենզինային V6 շարժիչ, որը կզարգացնի 306 ձիաուժ հզորությունե եւ 370 Նմ պտտեցնող պահ: Այս շարժիչն աշխատում է 7-աստիճան 7G-tronic ավտոմատ փոխանցման տուփի հետ` “ստոպ-ստարտ” ֆունկցիայով:

Բացի այդ, այս ավտոմեքենայում մեկնարկել է դիմային լույսի համակարգը, որն ամբողջովին մշակված է լուսադիոդային տարրերով. ընդամենը այս ավտոմեքենայում օգտագործվում է 71 լուսադիոդ: Լուսադիոդների կառավարման բլոկը կարող է կարգովորել լուսային “փունջի” հեռավորությունը եւ ձեւը, հարմարեցնելով լուսավորության ինտենսիվությունը երթեւեկության պայմաններին:

Կհայտնվի արդյոք այս ավտոմեքենան սերիական արտադրությունում, թե ոչ, առայժմ չի հաղորդվում: Բրիտանական Autocar ամսագրի տվյալներով, սկզբից վաճառքում կհայտնվի ավելի ավանդական CLS տարբերակը` սեդան թափքով: Ինչպես ակնկալվում է, այս մոդելի դեբյուտը կկայանա մինչեւ այս տարվա վերջը: Եւ միայն դրանից հետո շուկա կարող է հանվել նույն պլատֆորմի վրա կառուցված սպորտային ունիվերսալը:

Facebook Odnoklassniki

2818 դիտում