Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Այսօր Հայաստանում գրեթե ոչ ոք ավտոմեքենան սեփական կամքով չի ապահովագրում, Մեդիամաքս-ի հետ հարցազրույցում ասել է «ՌԵՍՈ» ապահովագրական ընկերության գլխավոր տնօրեն Մուշեղ Սահակյանը: Նա նշել է, որ այսօր հիմնականում բանկերն են վարկառուներին ստիպում են ապահովագրել տրանսպորտային միջոցները:
Անդրադառնալով 2011 թվականից Հայաստանում տրանսպորտային միջոցների պարտադիր ապահովագրության ներդրմանը, Մուշեղ Սահակյանը կարծիք է հայտնել, որ պարտադիր ապահովագրության մեկնարկով կսկսի զարգանալ նաեւ կամավոր ապահովագրությունը: “Պարտադիր ապահովագրության ցանկացած տեսակ հասարակությունում ընկալվում է որպես բացասական, եւ կարելի է ակնկալել, որ շատ մարդիկ կբողոքեն այդ օրենքի դեմ: Սակայն այն անհրաժեշտ է ապահովագրական շուկայի ընդհանուր զարգացման համար: Պարտադիր ապահովագրության գործարկմամբ ապահովագրական շուկան կաճի նվազագույնը երկու անգամ, կբարելավվի ապահովագրական մշակույթը”, - ասել է Մուշեղ Սահակյանը:
Մուշեղ Սահակյանը նաեւ ասել է, որ ավտոապահովագրությունը “ՌԵՍՈ” ընկերության առաջնահերթ հատվածն է. “Ռուսաստանում (“Ռեսո” ընկերության հիմնադիրներն են ռուսական «Ռեսո-Գարանտիա» համասեփականատեր Սերգեյ Սարկիսովը եւ «Յունիբանկի» սեփականատեր Գագիկ Զաքարյանը) մեր պորտֆելի շուրջ 50%-ը ավտոապահովագրությունն է: Հայաստանում մենք եւս շեշտը դնում ենք ավտոմեքենաների եւ գույքի ապահովագրության վրա: Ընդ որում, իրավիճակի փորձագիտական գնահատումն ու վերլուծությունը կատարվում է Մոսկվայում, իսկ վճարումների մասին վերջնական որոշումը կայացնում ենք ինքներս: Մենք ունենք տեխնոլոգիաներ, որոնք թույլ են տալիս սպասարկել մեծ թվով հաճախորդների աշխարհագրական լայն տարածքում:
Ավտոմեքենաների ապահովագրման դեպքում մենք նկարահանում ենք այն 10-12 դիրքերից, հաճախորդին խնդրում ենք լրացնել մեծ հարցաթերթիկ, որում հանգամանորեն նկարագրվում է ավտոմեքենայի վիճակը: Այսինքն, մենք շատ լավ գիտենք մեր հաճախորդին եւ նրա ավտոմեքենան”, - ասել է “ՌԵՍՈ” ընկերության տնօրենը:
Մուշեղ Սահակյանը նկատել է նաեւ, որ ավտոապահովագրության մեջ կարեւոր է անհատական մոտեցումը: “Porsche Cayenne վարող 18-ամյա պատանին չպետք է սպասարկվի նույն սակագներով, ինչպես Nissan Tiida-ի 20-ամյա փորձ ունեցող պրոֆեսորը: Նրանց համար նախատեսված սակագները պետք է տարբեր լինեն”:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
