Չորս մեքենա` երկու ձեռքով

Հարգելի ընթերցողներ,
Այս նյութով մենք սկսում ենք հրապարակումների շարք, որում կպատմենք ձեզ Հայաստանում մեքենաշինության պատմության եւ մեքենաշինությամբ զբաղվող անհատների մասին: Առաջին հրապարակումը Հենրիխ Մաթեւոսյանի մասին է, որը միայնակ պատրաստել 4 ավտոմեքենա:

Չնայած այն բանին, որ Հայաստանում չի եղել կայուն եւ զարգացած մեքենաշինություն, սակայն եղել են անհատներ, որոնք իրենց աշխատանքներով փորձել են նպաստել այս ոլորտին:

Այդպիսի անհատներից մեկն էլ Հենրիկ Մաթեւոսյանն է: Մասնագիտությամբ ինժեներ-տեխնոլոգ Հենրիկ Մաթեւոսյանն ավարտել է Երեւանի ճարտարագիտական համալսարանը: Դիպլոմային թեման պաշտպանել է Տոլյատիում: Իր նախաձեռնությամբ Հենրիկ Մաթեւոսյանը պատրաստել է թվով 4 ավտոմեքենա. դրանցից առաջինը` 1970 թվականին մոտոցիկլի բազայի վրա: Կրկնելով առաջին փորձը, նույն թվականին Հենրիկ Մաթեւոսյանը պատրաստել է երկրորդ նույնպիսի մեքենան: Երրորդ մեքենան, որ մասին ցանկանւմ ենք պատմել ձեզ, նա պատրաստել է 1980 թվականին իր իսկ բնակարանում:

Պատրաստումը.

Մեքենան պատրաստվել է երեք տարվա ընթացքում` բարդ տեխնոլոգիայով: Պատրաստման ծախսերը այնդքան էլ մեծ չեն եղել, չնայած արտաքինից այն բավականին թանկարժեք նախագիծ է թվում: Մեքենան մոտավորապես համապատասխանում էր VAZ-2101 մեքենաի արժեքին (մեր ժամանակների 8-9 հազար ԱՄՆ դոլարին):

Տեխնիկական համալրում.

Այս մեքենան “գրանտուրիզմո” դասի սպորտային կուպե է: Թափքը պատրաստված է ապակեպլաստիկից եւ ունի մետաղական կոնստրուկցիա: Մեքենայի սպորտային արտաքինին հակառակ, կապոտի տակ գտնվում է VAZ-2101 մակնիշի հզորացված շարժիչ: Պատճառն այն է, որ այդ տարիներին չէր թույլատրվում տեղադրել առավել հզոր շարժիչներ: Արագությունը չի գերազանցում 190 կմ/Ժ: Փոխանցման տուփը 5-աստիճան մեխանիկական է եւ կրկին VAZ-2101-ի: Դա մեծացնում է մեքենայի կայունությունը եւ մանեւրայնությունը: Դռները բացվում են McLaren SLR-ի ոճով, ինչն ազատ մուտք է ապահովում դեպի սրահ: Սրահում չկան թանկարժեք կաշի, բարձրորակ փայտ, ամենինչ հասարակ է, բայց միեւնույն ժամանակ կոկիկ պատրաստված:

Հաղթանակները.

Այս մեքենան մասնակցել է հինգ երթուղային մրցույթների, որոնցից վերջինին ստացել է ոսկե մեդալ:

Այնուամենայնիվ, մեքենայի պատրաստման նպատակւ զուտ մրցույթների մասնակցությունը չէր, այն օգտագործվում է նաեւ առօրյայում:

Հենրիկ Մաթեւոսյանը եղել է նաեւ Ղարաբաղյան պատերազմի համար նախատեսված 120 բագի եւ 5 Անտարա մեքենաների պատրաստման նախաձեռնողներից մեկը:

Եվ վերջին մեքենայի պատրաստումը Հենրիկ Մաթեւոսյանն ավարտել է 2001 թվականին: Այն Մազերատիի շարժիչով սպորտային կուպե է եւ տեխնիկապես առավել հզոր, քան նախորդ մեքենան:

Այդ մեքենան զինված է Մազերատի մոդելային շարքի 200 ձիաուժանոց շարժիչով, որը զարգացնում է մոտ 215 կմ/ժ արագություն: Վատ ցուցանիշ չէ նման մեքենայի համար:

Ամփոփելով այս ամենը վստահորեն կարող ենք ասել, որ այս մարդու աշխատանքը գովելի է եւ ինչու չէ, կարող է ոգեւորիչ խթան դառնալ երիտասարդ սերնդի համար:

Հեղինակ` Հարություն Նիկոյան

Facebook Odnoklassniki

5296 դիտում