Porsche 911 կուպեի ամենաարագ մոդիֆիկացիայի` 911 GT2 RS-ի համաշխարհային պրեմիերան կկայանա ընթացիկ տարվա օգոստոսին Մոսկվայի միջազգային ավտոսրահում: Զրոյից մինչեւ 100 կմ/ժ արագություն այդ մեքենան զարգացնելու է 3,5 վայրկյանում, իսկ առավելագույն արագությունը կգերազանցի 330 կմ/ժ:
Բազային 911 GT2-ից RS տարբերակն առանձնանում է 70 կգ-ով թեթեւացած քաշով (մինչեւ 1370 կգ), մինչեւ 620 ձիաուժ հզորացած 3,6 լիտրանոց տուրբոշարժիչով` երկու ուժեղացուցիչներով, ինչպես նաեւ վերակարգավորված կախոցով եւ կարբոն-կերամիկական արգելակային դիսկերով: Տրանսմիսիան` միայն 6-աստիճան “մեխանիկա”:
Բազային կոմպլեկտավորմամբ GT2 RS-ը կունենա 19-դյույմանի անիվային դիսկեր` առջեւի եւ ետեւի տարբեր չափի անվահեծերով` 245/35 եւ 325/30 համապատասխանաբար: Սրահում կմնան միայն երկու սպորտային նստատեղեր, որոնց կարկասը պատրաստված է կարբոնից:
Ընդամենը նախատեսվում է թողարկել 500 օրինակ Porsche 911 GT2 RS: Նորույթի մոտավոր գինը` 245 հազար ԱՄՆ դոլար:
Like
OK
