Ճանապարհային երթեւեկության անվտանգության ամերիկյան ապահովագրական ինստիտուտը (IIHS) անցկացրել է մարդատար ավտոմեքենաների հերթական քրեշ-թեստերը: Երկու մոդելներ` Hyundai Genesis 2010-ը եւ Mercedes-Benz E-Class 2010-ը ստացել են Top Safety Pick պարգեւը: Այն շնորհվում է միայն այն ավտոմեքենաներին, որոնք ամենաբարձր արդյունքն են ցուցադրել բոլոր չորս փորձարկումների ժամանակ. ճակատային, կողային եւ ետեւից բախումների, ինչպես նաեւ ավտոմեքենայի շրջվելու ժամանակ: Այս մրցանակի հավակնորդները պետք է պարտադիր ունենան նաեւ ESP համակարգ:
Հիշեցնենք, Hyundai Genesis լյուքսային սեդանը ներկայացվել էր 2009 թվականին, իսկ մեկ տարի անց ընկերությունը կատարելագործեց նրա առաստաղի կառուցվածքը: Այսպիսով, Top Safety Pick պարգեւը վերաբերվում է միայն այն Genesis-ներին, որոնք թողարկվել էին 2010 թվականի հունվարից հետո: Mercedes-Benz E-Class-ը նույնպես այս հեղինակավոր պարգեւը ստացել է դռների լրամշակումից հետո, որոնք ավելի անվտանգ են դարձել կողային բախումների ժամանակ:
Like
OK
