Audi ընկերությունը հայտարարել է 2011 թվականի մոդելային շարքի TTS նորացված սպորտային ավտոմեքենան շուկա դուրս հանելու մասին: Երկու տարբերակները` կուպեն եւ ռոադսթերը, առաջին անգամ կոմպլեկտովորվում են բոլորովին նոր 2,0-լիտրանոց բենզինային տուրբոշարժիչով, որը հասնում է 272 ձիաուժ առավելագույն հզորության եւ զարգացնում է 350 Նմ` 2500-ից մինչեւ 5000 շրջ/րոպե դիապազոնում Այն թույլ է տալիս մինչեւ 100 կմ/ժ արագություն զարգացնել 5,2 վայրկյանում, իսկ առավելագույն արագությունն արհեստականորեն սահմանափակված է 250 կմ/ժ նշակետի վրա (բոլոր ցուցանիշները ներկայացված են կուպեի համար): Շարքում կան նաեւ այլ շարժիչներ. 2,0 լիտրանոց` 211 ձիաուժ հզորությամբ, 1,8-լիտրանոց` 160 ձիաուժ եւ 2,0-լիտրանոց տուրբոդիզել` 170 ձիաուժ հզորությամբ: Եվրոպայում նորացված Audi TTS-ի վաճառքները կսկսվեն այս տարվա ամռանը` սկսած 30 200 եվրո գնով:
Like
OK
