Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հայաստանում բավականին շատ են ռետրո-մեքենաների սիրահարները եւ նրանց թիվը գնալով ավելանում է: Զարմանալի չէ, որ հիմնական նախընտրողները մեծահասակներն են, որոնք չեն կարողանում հրաժարվել իրենց սիրելի ավտոմեքենայից:
Արդեն բավականին երկար ժամանակ Հայաստանում գործում է ռետրո-մեքենաների ֆեդերացիան: Ֆեդերացիայում գրանցված են մոտ 1000-ից ավել տարբեր դասի մեքենաներ, իսկ հնաոճ մեքենաների թիվը հասնում է 60-ի:
Ինչպես նախորդ տարիներին, այս տարի եւս ֆեդերացիան հունիսի 12-ին կազմակերպեց թվով 11-րդ ցուցահանդեսը: Ցուցահանդեսի նպատակն է ավելացնել մասնակից մեքենաների թիվը, ավելի նորացնել եւ գեղեցկացնել դրանք, եւ, ինչպես նշեց ֆեդերացիայի նախագահ Լեւոն Հովակիմյանը, “մեծացնել ազգային հարստությունը”: “Մեքենան հարստություն է առանձին անհատների համար եւ երբ այդ հարստությունը համախմբում ես մեկ տեղ, ինչպես այս դեպքում, ապա այն դառնում է համընդհանուր”, - ասաց Լեւոն Հովակիմյանը:
Նախորդ տարվա համեմատ այս տարի մասնակիցների թիվը փոքր էր, մոտ 20-25 մեքենա: Լեւոն Հովակիմյանի խոսքով, հավանաբար պատճառը ֆուտբոլի աշխարհի առաջնությունն է: Ցուցահանդեսի մասնակիցներից ոմանք մեքենաները օգտագործում են որպես գեղեցկություն, ոմանք էլ` փոխադրամիջոց:
Իսկ վերջում պատվոգրեր եւ շնորհակալագրեր հանձնելու ավանդույթ դարձած արարողությունն էր: Ռուսական եւ արտասահմանյան “հնաոճ մեքենաներ”-ի անվանակարգում պատվոգրեր ստացան հինգ մասնակիցներ:
Ավարտելով կարող ենք ասել, որ միշտ գովելի է նմանատիպ միջոցառումների կազմակերպումը եւ ցույց է տալիս, որ մեր երկրում իրոք ավտոմոբիլային հարստություն կա:
Հեղինակ` Հարություն Նիկոյան
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
