2010 թ. հունիսի 18-ին Հայաստանում առաջին անգամ պաշտոնապես ներկայացվեց նոր ԳԱԶել-Բիզնես ավտոմեքենան: Շնորհանդեսը կազմակերպված էր ԳԱԶ Խմբի պաշտոնական ներկայացոցւցիչ` “Կարկոմավտո” ընկերության կողմից Հալաբյան 18 հասցեում գտնվող ավտոսրահում:
Ինչպես Auto.am-ին հայտնեցին “Կարկոմավտո” ընկերությունում, միջոցառմանը ներկա էին հայաստանյան խոշորագույն տնտեսվարող կազմակերպությունների, բանկերի, զանգվածային լրատվամիջոցների ներկայացուցիչներ: Հանդիպման ընթացքում ներկայացվեցին նոր ավտոմեքենայի մեջ կատարված 150-ից ավել կառուցողական ու արտադրատեխնոլոգիական փոփոխությունները: Առանձնակի ուշադրության արժանացան նոր ԳԱԶել-Բիզնեսի հարմարավտությունը, անվտանգությունը, շահավետությունը և հուսալիությունը:
Նոր ավտոմեքենայի բոլոր կարևորագույն հանգույցներն այսուհետ արտադրվում են եվրոպական և ճապոնական առաջատար ընկերությունների կողմից, որոնց թվում են աշխարհահռչակ BOSCH, ZF SACHS, RUBENA, TRM կոնցեռնները: Այդ ամենի շնորհիվ ավտոմեքենայի երաշխիքային ժամկետը հասցվել է մինչև 100.000 կմ-ի, իսկ ավտոմեքենայի ընդհանուր ռեսուրսը` 300.000 կմ-ի:
Հավաքվածները հետաքրքրությամբ ծանոթացան նաև “Կարկոմավտո” ու “ԱԿԲԱ-Լիզինգ” ընկերությունների կողմից համատեղ մշակված ու ԳԱԶ գործարանի հավանությանն արժանացած հատուկ լիզինգային ծրագրին, որի շրջանակներում սահմանվում են տարեկան թանկացման նվազագույն տոկոսադրույք (շուկայականից մոտ 5%-ով ավելի ցածր) և առավել մատչելի կանխավճար:
Հանդիպման ավարտին բոլոր ներկաներին հնարավորություն տրվեց գործնականում փորձարկել նոր ԳԱԶել-Բիզնես ավտոմեքենան, շփվել միմյանց հետ և “Կարկոմավտո” ընկերության տնօրինությանը ներկայացնել առաջարկներ ու ուղղել հարցեր:
“Կարկոմավտո” ընկերությունում վստահություն են հայտնում, որ նոր կոմերցիոն ավտոմեքենան անպայման կգրավի իրեն արժանի դիրքը հայաստանյան շուկայում` դառնալով շատ և շատ գորածարարների հաջողության հիմքը:
Like
OK
