Ցուցադրվել են Mercedes-Benz CL նորացված կուպեի AMG-տարբերակների լուսանկարները

Հինգշաբթի օրը մի շարք արտասահմանյան պարբերականների տրամադրության տակ հայտնվեցին AMG ատելյեի կողմից պատրաստված Mercedes-Benz CL-Class կուպեի մոդիֆիկացիաների առաջին պաշտոնական լուսանկարները:

Նորույթը կներկայացվի երկու մոդիֆիկացիաներով` СL63 AMG եւ CL65 AMG: Առաջին դեպքում կուպեն, նախնական տվյալներով, կունենա 544-ուժանոց 8-մխոցանի բենզինային թվին-տուրբո շարժիչ` 5,5 լիտր ծավալով, որը կփոխարինի մինչռեսթայլինգային ավտոմեքենայի վրա տեղադրվող 6,2-լիտրանոց “ութնյակը”: “Ուժեղացված” ավտոմեքենայի դինամիկ բնութագրերը դեռեւս չեն հաղորդվում:

Նշենք, որ նմանատիպ 5,5-լիտրանոց շարժիչն առաջարկվում է նաեւ ստանդարտ Mercedes-Benz CL550 4MATIC-ի հետ, սակայն այդ տարբերակում նրա հզորությունը հավասար է 429 ձիաուժի:

Mercedes-Benz CL-Class կուպեի ամենահզոր AMG-տարբերակը ավանդապես կստանա 12-մխոցանի շարժիչ: Նրա ծավալը կկազմի 6 լիտր, իսկ հզորությունը հավասար կլինի 630 ձիաուժի

Ակնկալվում է, որ “ուժեղացված” CL-Class-ի վաճառքները կսկսվեն ընթացիկ տարվա աշնանը:

Facebook Odnoklassniki

2914 դիտում