AMG ներկայացրել է նորացված Mercedes-Benz CL63

AMG թյունինգային ընկերությունը ներկայացրել է Mercedes-Benz CL63-ի համար մշակված բոլորովին նոր շարժիչ: Ինչպես ասվում է գերմանական ատելյեի մամլո հաղորդագրությունում, 5,5 լիտրանոց բենզինային V8 շարժիչը` երկու տուրբոուժեղացուցիչներով, ունի անմիջական մղման համակարգ, կրկնակի օդա-ջրային սառեցում եւ “ստոպ-ստարտ” համակարգ: Չնայած որ ծավալով շարժիչը զիջում է ստանդարտ մթնոլորտային 6,3-լիտրանոց V8-ին, որը տեղադրվում է սերիական CL63-ի վրա, նա գերազանցում է բազային շարժիչը բոլոր ցուցանիշներով: Նրա հզորությունը կազմում է 536 ձիաուժ, իսկ պտտեցնող պահը` 800 Նմ: AMG Performance Package լրացուցիչ փաթեթի շնորհիվ այդ թվերը կարելի է ավելացնել մինչեւ 563 ձիաուժ եւ 900 Նմ համապատասխանաբար:

AMG-ի տվյալներով, այս ցուցանիշները համադրվում է նոր շարժիչի մեծ տնտեսելիությամբ: Mercedes-Benz CL63 AMG 2011-ը ծախսում է 27%-ով քիչ վառելիք, քան բազային տարբերակը, իսկ СО2 արտանետումները քչացել են 30%-ով:

Facebook Odnoklassniki

3124 դիտում