Նախորդ ամիս գերմանական պրեմիում դասի ավտոարտադրող BMW-ն հաստատել է այս տարի Պեկինի միջազգային ավտոսրահում ցուցադրված Gran Coupe Concept (GCC) կոնցեպտուալ ավտոմեքենայի սերիական արտադրության մեկնարկի մասին տեղեկատվությունը: Այժմ BMW տնօրենների խորհրդի անդամ Քլաուս Դրեգերը հայտնել է այն մասին, որ մոդելի արտադրական տարբերակը լույս կտեսնի 2012 թվականին` 6-րդ սերիայի Coupe-ի նոր սերնդի պրեմիերայից հետո, որի հետ BMW GCC-ի կկիսի պլատֆորմը եւ այլ բաղադրամասեր: Նա նաեւ հայտնել է այն մասին, որ երկու ավտոմեքենաները կունենան նույն գինը: Հիշեցնենք, որ Եվրոպայում BMW 630i-ի բազային տարբերակի գինը սկսվում է 70,5 հազար եվրո:
Ունեցած տվյալներով, BMW GCC-ն կստանա նոր անուն եւ կունենա 3-լիտրանոց 6-մխոցանի բենզինային ագրեգատ` 300 ձիաուժով, բենզինային V8 շարժիչ 4,4 լ ծավալով եւ 400 ձիաուժ հզորությամբ, 3 լիտրանոց տուրբոդիզել 204 ձիաուժ հզորությամբ եւ 3 լիտրանոց տուրբոդիզել 245 ձիաուժ հզորությամբ:
Like
OK
