Հանրահայտ Pininfarina իտալական ատելյեն ցանկանում է ստեղծել նոր Niva-ի դիզայնը: Բացի այդ, ՌԲԿ-ի տվյալներով, Pininfarina-ն ուսումնասիրում է ապագայում Իտալիայում նոր Niva-ի արտադրության կազմակերպման հնարավորությունն իր արտադրական հզորությունների վրա:
Որոշ տվյալներով, արդեն սեպտեմբերի 9-ին Pininfarina-ի ղեկավար Սիլվիո Պյետրի Ագորին կայցելի Մոսկվա եւ բանակցությունների կանցկացնի ռուսաստանյան իշխանությունների եւ “Ավտովազի” գլխավոր բաժնետեր “Ռոստեխնոլոգիաներ” ընկերության ղեկավարության հետ: Գուցե այդ հանդիպումներից հետո որեւէ պաշտոնական տեղեկատվություն կհայտնվի “Նիվա”-ի մասին:
Հիշեցնենք, որ ԱվտոՎազ-ի ղեկավարությունն արդեն վաղուց է խոսում բոլորովին նոր “Նիվա”-յի ստեղծման անհրաժեշտության մասին, քանի որ 70-ական թթ. մշակված “Նիվա”-ի հին մոդելի արդիականացման հնարավորություններն արդեն սպառվել են: Ամենայն հավանականությամբ, այս մոդելի հիմքում կընկնի Chevrolet Niva-ի պլատֆորմը:
Like
OK
