Հայաստանում KIA Motors-ի ներկայացուցիչ KIA Motors Armenia ընկերությունը զեղչեր է հայտարարել է նոր Sorento մոդելի համար: Ինչպես Auto.am-ին հայտնեցին ընկերությունում, այժմ այն կարելի է գնել 700 հազարից մինչեւ 1 000 000 դրամ ավելի ցածր գնով` կախված ամենագնացի կոմպլեկտավորումից:
Նոր KIA Sorento-ն բոլորովին նոր է եւ լիովին տարբերվում է իր նախորդողից: Ժամանակին հենց այս մոդելը դուրս բերեց KIA-ին ավտոմոբիլային շուկայի նոր սեգմենտ` սկիզբ դնելով մակնիշի իմիջի գլոբալ փոփոխությանը:
Նոր Sorento-ի արտաքին տեսքի աշխատանքները ղեկավարել է ընկերության առաջատար դիզայներ Պիտեր Շրեյերը, այդ պատճառով ավտոմեքենայի արտաքինում հեշտ կարելի է նկատել "Schreyer Line" կոնցեպցիայի ամենաարտահայտիչ գծերը, որոնք հիմք են դարձել KIA-ի բոլոր նոր մոդելների համար:
KIA Motors Armenia-ն սկսել է ներմուծել նոր Sorento-ն 2010 թվականի մայիս ամսից: Ավտոմեքենայի երկարացված թափքը (4,7 մ) առաջարկում է հարմարավետության բոլորովին նոր մակարդակ, իսկ ավելի ընդարձակ դարձած սրահն արդեն կարող է տեղավորել մինչեւ 7 ուղեւոր: KIA Motors Armenia-ում ավտոմեքենան առաջարկվում է 2.2l diesel, 2.4l gasoline եւ 3.5l gasoline շարժիչներով: Փոխանցման տուփերը` 5 կամ 6 աստիճան մեխանիկական կամ 5 կամ 6 աստիճան “ավտոմատ”:
Ամբողջովին փոփոխվել է նաեւ նոր Sorento-ի ինտերյերը. ներքին հարդարման համար օգտագործվել են բարձրակարգ նյութեր, ավելացվել են նոր ֆունկցիոնալ դետալներ, արմատապես փոխվել է առջեւի վահանակի դիզայնը, ավելացել են տարբեր օպցիաներ:
KIA Motors Armenia-ում հայտնեցին, որ Հայաստանում ավտոմեքենայի հիմնական սպառման խումբը 30-45 տարեկան գործարար մարդիկ են: Այժմ սրահում առկա մեքենաների գները սկսվում են 14,000,000 դրամից: Հայկական շուկայում ավտոմեքենայի հիմնական մրցակիցներն են Hyundai Santa Fe, Lexus RX 350, Mazda CX 7, Nissan XTrail, Toyota RAV4 ավտոմեքենաները:
Like
OK
