Հայաստանում ավտոտրանսպորտային միջոցների օգտագործումից բխող պարտադիր ապահովագրության /ԱՊՊԱ/ տարեկան պոլիսների ձեռքբերման նվազագույն արժեքը կկազմի 26 130 դրամ (մոտ ), իսկ առավելագույնը` 124 335 դրամ (մոտ 4):
Ինչպես հաղորդում է Մեդիամաքսը` վկայակոչելով Հայաստանի ավտոապահովագրողների բյուրոյի սակագների նախագիծը, նվազագույն սակագինը հաստատվել է մինչեւ 70 ձիաուժ շարժիչի հզորությամբ մասնավոր օգտագործման մարդատար ավտոմեքենաների համար, որոնց վարորդները 23 տարեկանից բարձր են եւ ունեն 3 տարուց ավելի վարորդական փորձ:
Այն դեպքում, եթե մարդատար ավտոմեքենայի շարժիչի հզորությունը կազմում է 71-140 ձիաուժ եւ 141-230 ձիաուժ, տարեկան ապահովագրական պայմանագրերի արժեքը կազմում է համապատասխանաբար 37 329 եւ 47 408 դրամ:
Գերհզոր մարդատար ավտոմեքենաների (231 ձիաուժից ավելի) փորձառու վարորդների համար ԱՊՊԱ պոլիսի արժեքը կկազմի 54 127 դրամ:
Հասարակական տրասնսպորտային միջոցների (տրոլեյբուսներ եւ ավտոբուսներ) շահագործումից բխող պատասխանատվության ապահովագրման արժեքը տատանվում է 42 հազ-ից մինչեւ 62 հազ. դրամ, բեռնատար տրանսպորտային միջոցների արժեքը` 43 հազ-ից 63 հազ. դրամ, ծառայողական ավտոմեքենաներինը` 27 հազ-ից 89 հազ. դրամ, տաքսիների համար (այդ թվում` երթուղային)` 37,5 հազ-ից 124,3 հազ. դրամ:
Վերջնական սակագները կհաստատվեն մինչեւ հոկտեմբերի 18-ը, երբ Հայաստանի ապահովագրական ընկերություններում կսկսվեն ԱՊՊԱ պոլիսների վաճառքները:
Like
OK
