Սեպտեմբերի 21-ին STR հասարակական կազմակերպությունը, որը հայտնի է մեր ընթերցողին որպես ավտոսպորտային միջոցառումների կազմակերպիչ եւ իրականացնող, անցկացրեց իր հերթական միջոցառումը: Այս անգամ “Սասունցի Դավիթ” հրապապարակում անցկացվեց Երեւանի համար շատ անսովոր ավտոսպորտային մրցույթ` փողոցային դրիֆտ:
Փորձենք կարճ նկարագրել, թե ի՞նչ է իրենից ներկայացնում ավտոսպորտի այս ձեւը: Դրիֆթը շրջադարձերի անցման տեխնիկա է եւ ավտոսպորտոի մի ձեւ, որը բնորոշվում է շրջադարձերի ժամանակ ետեւի անիվների գետնից միտումնավոր պոկմամբ` ընդ որում այդ ընթացքում պահպանելով հնարավորինս բարձր արագությունը: Շատ դեպքերում նման միջոցը շրջադարձներն անցնելու ամենաարագ ձեւը չէ, սակայն շատ գեղեցիկ է եւ գրավիչ, ինչի շնորհիվ այդ սպորտաձեւը միշտ շատ հանդիսատեսներ է հավաքում:
Եվ ահա, կայացավ նաեւ “հայկական դրիֆթը”: STR կազմակերպության տնորեն Տիգրան Մկրտումյանը հայտնեց մեզ հաղթողների անունները, ինչպես նաեւ լուսանկարներ եւ տեսանյութ տրամադրեց միջոցառման մասին:
- 1-ին տեղը գրավեց Արայիկ Վարդգեսյանը` BMW 330 E36 մակնիշի ավտոմեքենայով,
- 2-րդ տեղը գրավեց Ալբերտ Վարդանյանը` BMW 325 E36 մակնիշի ավտոմեքենայով.
- 3-հորզոնականում էր Կարեն Հարությունյանը` VAZ 2101 մակնիշի ավտոմեքենայով:
1-տեղ գրաված մասնակցի համար նախատեսված եր նաեւ դրամական պարգեւ` 150,000 դրամ:
Like
OK
