Հոկտեմբերի 15-ին կայացած Elite Life Fair շքեղության ու նրբագեղության ցուցահանդեսին «Մուրան» ընկերությունը առանձնակի շուքով ներկայացրեց բոլորովին նոր Nissan Patrol ամենագնացը: Հավաքված հյուրերը մի պահ, ասես, կտրվում էին Մարզահամերգային համալիրի փակ ինտերյերներից և հայտնվում բնության գրկում:
«Մուրան» ընկերության տաղավարը ձևավորված էր այնպես, որ կարծես մեկ ակնթարթում տեղափոխում էր ներկաներին դեպի վայրի բնություն, բարձր լեռներ ու անանցանելի թվացող ճանապարհներ, մի խոսքով` այնտեղ, ուր այս գերհզոր ամենագնացը զգում է իրեն սեփական տարերքում:
Տաղավարը խորհրդանշում էր Nissan Patrol-ի անսանձ էությունը, ընթացային որակների հզորությունը, որն արտահայտվում է 5.6 լ աշխատանքային ծավալով և մինչև 400 ձ/ու հզորությամբ շարժիչում, և նույնիսկ ամենադժվար պայմաններում վարորդի ու ուղևորների գերազանց հարմարավետությունը` արտահայտված կախոցների ու անվտանգության տարբեր աստիճանի կարգավորվող համակարգերում, սրահի ներքին հարդարանքի որակական կատարելության մեջ:
«Մուրան» ընկերությունում վստահ են, որ նոր Nissan Patrol-ը իսկապես հանդիսանում է ճապոնական այս ավտոարտադրողի մոդելային շարքի առաջատարը և մեծ հեռանկարներ ունի Հայաստանում:
Like
OK
