Երեկ, 2010 թվականի հոկտեմբերի 31-ին, դադարեց գոյություն ունենալ եւս մեկ լեգենդար ամերիկյան մակնիշ` մահացավ Pontiac-ը: Հենց հոկտեմբերի 31-ին ավարտվեցին General Motors-ի վերջին պայմանագրերը Pontiac-ի դիլերների հետ (ավտոմեքենաների արտադրությունը դադարեցվել էր դեռեւս նախորդ տարվա նոյեմբերին): Ամերիկյան ԶԼՄ-ների հաղորդմամբ, որոշ վաճառողների մոտ դեռեւս մնացել են չվաճառված Pontiac-ներ, եւ դիլերները պարզապես չգիտեն, ինչ անել դրանց հետ: Ամենայն հավանականությամբ, վերջին ավտոմեքենաները կվաճառվեն հսկայական զեղչերով:
Հիշեցնենք, որ Pontiac-ն առաջին անգամ հայտնվեց դեռեւս 84 տարի առաջ: Եվ եթե նախորդ տարվա կեսերին ընկերության գործերը վատ չէին, ապա նոր հազարամյակի սկզբից Pontiac-ի վաճառքները տարեցտարի նվազում էին: Արդյունքում 2010 թվականին General Motors կոնցերնի ընդհանւոր վաճառքներում Pontiac-ի բաժինը մեկ տոկոսից էլ պակաս էր կազմում:
Հիշեցնենք, որ բացի Pontiac-ից General Motors-ը որոշել էր ազատվել Hummer եւ Saturn մակնիշներից: Իսկ Ford կոնցերնն այս տարի հայտարարեց Mercury մակնիշի վերացման մասին:
Like
OK
