Երկուշաբթի օրը Mercedes-Benz ընկերությունը պաշտոնապես հաստատել է CLS ավտոմեքենայի բազայի վրա ունիվերսալի սերիական արտադրության իր մտադրությունները: Ավտոմեքենայի արտադրությունը կկազմակերպվի 2012 թվականին Daimler-ի` գերմանական Զինդելֆինգեն քաղաքում գտնվող գործարանում, որտեղ արդեն հավաքվում են մակնիշի 7 մոդելներ. С- Е- S- Class, CL, CLS, SLS AMG, B-Class, ինչպես նաեւ շքեղ Maybach լիմուզինները եւ Մերսեդեսների զրահապատ մոդիֆիկացիաները:
Mercedes-Benz CLS Shooting Brake կոնցեպտուալ մոդիֆիկացիան ներկայացվել էր ընթացիկ տարվա ապրիլին Պեկինի մոտորշոուին: Ավտոմեքենայի նախատիպը փոքր-ինչ ավելի խոշոր է դարձել E-Class ունիվերսալից. նրա երկարությունը կազմել է 4,96 մետր, լայնությունը` 1,95 մետր, բարձրությունը` 1,44 մետր: Ավտոմեքենան ունի 306-ուժանոց 6-մխոցանի բենզինային շարժիչ 3,5 լիտր ծավալով վառելիքի անմիջական մղումով, ինչպես նաեւ 7-աստիճան ավտոմատ փոխանցման տուփ եւ “ստոպ-ստարտ” համակարգ:
Սերիական ավտոմեքենան, ինչպես ակնկալվում է, կառաջարկվի նույն շարժիչներով, ինչ նոր սերնդի Mercedes-Benz CLS սեդանը: Տվյալ պահին “4-դռնանի կուպեն” եվրոպական շուկայում մատչելի է երկու 3,5 լիտրանոց 6-մխոցանի շարժիչներով` 265-ուժանոց բենզինային եւ 306-ուժանոց դիզելային տարբերակներով: Մոդելը կարելի է պատվիրել նաեւ 4-մխոցանի դիզելային շարժիչով` 2,5 լիտր ծավալով եւ 204 ձիաուժ հզորությամբ եւ 402-ուժանոց ութնյակով:
Like
OK
