Բրազիլական ԶԼՄ-ներում այսօր բոլորովին անսպասելիորեն հայտնվեցին նոր սերնդի Lada Niva-ի առաջին պատկերները: Այդ երկրի լրագրողների տվյալներով նոր Նիվա-ն հավաքվելու է ոչ միայն Ռուսաստանում, այլեւ հենց Բրազիլիայում` Renault բրենդի ներքո: Այդ դեպքում Նիվա-ն կդառնա Բրազիլիայում ամենամատչելի ամենագնացը (եւ հենց այդ պատճառով էլ նման մոդելի հայտնվելու հնարավորությունն այդպիսի հետաքրքրություն է առաջացրել):
Lada Niva-ի նոր սերունդը կառուցվելու է նոր պլատֆորմի վրա, քանի որ նախորդ դարի 70-ական թթ. հին Նիվա-յի արդիականացման հնարավորությունները վաղուց սպառվել են: Ամենայն հավանականությամբ, նոր սերնդի Lada Niva-ն կկառուցվի ներկայիս Chevrolet Niva-ի հիման վրա:
Lada մակնիշի ամենագնացը կրկին ավելորդություններ չի ունենա, եւ դա թույլ կտա պահել գինը նվազագույն մակարդակում: Սակայն անվտանգության ժամանակակից պահանջները այնուամենայնիվ կոնստրուկտորներից կպահանջեն մեքենայում նախատեսել անվտանգության երկու բարձիկներ եւ ABS համակարգ:
Like
OK
