Այս աշնանը Փարիզի ավտոսրահում մեկնարկած տպավորիչ Audi Quattro կոնցեպտը սերիական ավտոմեքենա կդառնա արդեն առաջիկա ապագայում: Ինչպես հաղորդում է Motor Trend-ը, այդ ծրագրերն արդեն քննարկվում են ինչպես Audi-ի ղեկավարությունում, այնպես էլ Volkswagen-ի մայր կոնցերնում: Պարբերականի տվյալներով, նախագիծը կարող է իրականանալ երկու ուղղություններից մեկով: Quattro-ն կարող է դառնալ կոմպակտ սպորտկուպեների շարքի նախահայրը` RS5-ից փոքր-ինչ ներքեւ մակարդակում, տարեկան մոտ 35 000 ավտոմեքենաների արտադրության ծավալով, ինչը թույլ կտա բավականին զուսպ գին սահմանել ավտոմեքենայի համար: Համաձայն երկրորդ տարբերակի, կուպեն կդառնա լյուքսային սեգմենտի բացառիկ ապրանքատեսակ, որը կարտադրվի միայն 5-լիտրանոց շարժիչով եւ կլինի լիաքարշակ:
Հիշեցնենք, որ ալյումինե-ածխապլաստիկային կոնցեպտը մշակվել է նաեւ ռուսաստանցիների մասնակցությամբ. նրա վրա աշխատել են Էռնեստ Ծառուկյանը եւ Միխայիլ Կլիմովը: 1980 –ականների ավտոմեքենայի նույն նույւն անունը կրելով` Quattro-ն կունենա ֆիրմային լիաքարշակ համակարգի վերջին տարբերակը, որն այս տարի նշում է իր 30-ամյա հոբելյանը:
Like
OK
