Ժամանակին մեծ աղմուկ հանած, քաղաքային կոմպակտ քրոսովերների դասում բոլորովին նոր էջ բացած հանրահայտ Nissan Qashqai-ը վերադառնում է: Ավելի տպավորիչ, ավելի հուսալի ու ավելի ժամանակակից:
Անգլիայում նախագծվող ու արտադրվող այս ավտոմեքենայի երկրորդ սերունդը համապատասխանեցվել է սպառողների պահանջներին` ազատվելով առաջին սերնդին բնորոշ որոշ անհարթություններից ու բացթողումներից: Այսպես, ավելի տպավորիչ է դարձել Qashqai-ի արտաքինը, նոր ուրվագիծն ու լուսարձակների հետքարքրիր բացվածքը դինամիկ տեսք են հաղորդում մեքենային` միևնույն ժամանակ շեշտելով դրա աշխույժ խառնվածքը: Փոփոխությունների է ենթարկվել նաև սրահը` դառնալով ավելի հարմարավետ ու էրգոնոմիկ, ընդ որում հարմարավետությունը վերաբերվում է ոչ միայն վարորդի, այլև առջևի ու հետև ուղոևորների համար ստեղծված պայմաններին:
Էական կատարելագործման են ենթարկվել այս քաղաքային քրոսովերի կախոցները, որոնք դարձել են ավելի կայուն և անվտանգ:
Այս ամենով հանդերձ ավտոմեքենան պահպանել է իր հիմնական գաղափարախոսությունը` այն ստեղծված է քաղաքի համար և մշտապես մարտահրավեր է նետում քաղաքի քաոսային տարերքին` կանոնակարգելով ձեր անցուդարձը: Միևնույն ժամանակ Qashqai-ի լիաքարշակ տարբերակն իրեն բավականին լավ է դրսևորում նաև արտաճանապարհային դժվարանցանելի պայմաններում:
ՆԻՍՍԱՆ-ի պաշտոնական ներկայացուցիչ` “Մուրան” ընկերությունը մոտ օրերս սկսում է նոր Qashqai ավտոմեքենաների վաճառքը և սպասում դրա բոլոր սիրահարներին Կոմիտաս 47 հասցեում գտնվող ավտոսրահում:
Ավելացնենք, որ նոր Qashqai ավտոմեքենայի գինը տատանվելու 10.400.000 –ից 11.990.000 դրամի սահմաններում` կախված կոմպլեկտավորումից:
Like
OK
