ՀՀ Ազգային Ժողովն այսօր երկրորդ ընթերցմամբ եւ ամբողջությամբ ընդունել է փոփոխություններն ու լրացումները «Ճանապարհային երթեւեկության անվտանգության ապահովման մասին» օրենքում:
Ինչպես հայտարարել է ՀՀ Ոստիկանության պետի տեղակալ Արթուր Օսիկյանը, փոփոխությունները պետք է դիտարկել Ոստիկանության աշխատանքի լայնածավալ բարեփոխումների եւ ՀՀ օրենսդրությունը գործող միջազգային նորմերին համապատասխանեցնելու տեսանկյունից:
Փոփոխությունների համաձայն, ակնկալվում է վարորդական իրավունքների տրամադրման ընթացակարգի պարզեցում եւ դրանց նոր ենթատեսակների ներդրում:
Մինչեւ 2011թ. դեկտեմբերի 31-ը անժամկետ վարորդական իրավունքները կփոխարինվեն 10-ամյա գործողության ժամկետով վարորդական իրավունքներով: Այդպիսի վարորդական իրավունքների թիվը կազմում է շուրջ 30 հազար:
Like
OK
